Apanhar la smuola a Nuossa Senhora, ou al Menino, yé ua promessa mui custosa. Solo quando un stá mui aflito. Bestir l mangon i poner la carocha nun yé cousa fácil. L Demonho yé muito tentador. Para berdes, you oubi a miu pai que ua beç a meio de las eiras de baixo andaba l Demonho apanhar smuola i iba passando l cura cun la cruç para dar L Senhor, a strema unçon a un doliente, mui doliente i l Diabro, l Chocalheiro, nun respeitou la Cruç, nun tirou la carocha. Quando la quijo tirar nun fui capaç. Apuis solo cun l perdon de l Padre Santo. De castigo tubo un anho que andar cumo ls perros, de rastros i a comer solo ls cachicos que las pessonas le mandaban pal chano. Solo assi se soltou la carocha i porque se arrependiu muito. Nuca bos squeceiades: “Graças a Dius muitas” graças cun Dius poucas” yá l deizie miu pai.
Siempre me ficou l que miu pai dizie: bai haber un tiempo que mos ban querer tirar ls santicos de nuossas casas, la fin de l mundo stará próssima. Bós deixaibos matar mas nun aceiteides esso.
Esteban nun yera crente de Nuosso Senhor, apuis foi apedrejado de castigo. Nuossa Senhora deu-le cumo castigo apanhar la esmuola a Eilha i al Menino….
Siempre me ficou l que miu pai dizie: bai haber un tiempo que mos ban querer tirar ls santicos de nuossas casas, la fin de l mundo stará próssima. Bós deixaibos matar mas nun aceiteides esso.
Esteban nun yera crente de Nuosso Senhor, apuis foi apedrejado de castigo. Nuossa Senhora deu-le cumo castigo apanhar la esmuola a Eilha i al Menino….
27Dez2010
3 comentários:
Buonas tardes Antonho,
Oubrigado por mos lhembrares estas tradiçones de Bempuosta. Decierto l nariç quedou bien gilado, mas bal la pena apanhar uns frius quando ye por ua buona causa.
Un abraço i cuntinaçon de buonas fiestas.
Ah Antonho!
-Afileste-me las ganas de saber muito mais, esso que me cuntas ye pouco.
-Por adonde ándan essas cuontas?
-Anton tu tenes par'ende uas alforjadas i nun me las quieres cuontar?
-Bó you quiero saber mais, bá bota-te a matar las mies curjidades que essas de l diabro i de las smolas ténen muito que se le diga, antes que l mundo se acabe, porque tou pai yá dezie que staba próssimo.
-Ou tu cuidas que nun anda por ende muita giente que ten inda agora cuontas cul mafarico por acertar, i nun ban a seguir ls cunseilhos de tou pai.
Un abraço i cuntinaçon de buonas fiestas.
Buonas tardes,
Francisco buonas fiestas para bós.
Faustino,
Quien assi fala ye mi mai que stubo a passar la nuite de Natal eiqui i eilha si ye ua cuntadora de histórias. Yé un poço de cuontas, uas atrás outras.
Buonas fiestas para bós, Ti Natália, l netico i para todo l mundo.
Abraço
Enviar um comentário