Curso de Lhéngua i Cultura Mirandesas

Como todo l mundo sabe i eiqui foi einunciado hai un curso de Lhéngua i Cultura Mirandesas an Lisboua todas las quartas a las 8h 30m de la nuite i ten lhugar na Casa de Trás-ls-Montes i Alto Douro an Lisbou.

Nesta quarta bai star persente l porsor Amadeu Ferreira que bai  falar de Stória i Cultura Mirandesas.

Quien quejir i puoda star persente será un guosto mui grande tener bos alhá.

Curso de Lhéngua i Cultura Mirandesas an Lisboua

L terceiro anho de l quarto curso de Lhéngua i Cultura Mirandesas an Lisboua, ten l sou ampeço die 16 de janeiro de 2013. Las classes ban a tener lhugar na Casa de Trás-os-Montes e Alto Douro, a las 20h30m de la nuite de todas las quartas-feiras.

L curso, astanho tenerá l mesmo zeinho que tubo yá an 2007-2008 an Corroios. Assi, pul ansino de la lheitura, scrita i de la fala, quédan reponsábles ls porsores Francisco Domingues i António Cangueiro. Apuis ua beç an cada més l porsor Amadeu Ferreira queda ancarregado de dar la Stória i Cultura Mirandesas.

Las aulas son an special pa ls alunos que frequentórun ls derradeiros dous anhos, pa terminar l Curso Eilementar de Lhéngua i Cultura Mirandesas, mas tamien para nuobos alunos que quergan ampeçar a daprander l mirandés.

Un abraço arrochado i anté die 16-01-2013,

AMPEÇO DIE 16-01-2013 - A LAS 20H30M.
TOCA A FAZER LAS ANSCRIÇONES EIQUI MESMO.

 TODO L MUNDO SE PUODE ANSCREBER.