An serenos dies

Chegueste cumo tornado
a arrincar la polagueira
metida
antre ls antertícios
de fuolhas coladas.

Abaneste cumo tremor de tierra
calciste cumo bulcon
arramando rius de laba.

Çcansas agora cun la serenidade
dun riu de augas mansas
i depositas la nata
adonde te médran las flores
calhadas.

Sintes la calma
dun die de suberrolho
i, assi i todo l sudor
manten-te la piel
refrescada.