28/06/16

Polbeira, cuntrabando d’Alcanhiças





Para quei percurar ancuntrar culpas, adonde nun las hai.

El até era feliç, porque tenie todo, era dua família probe, mas farta, acumparando cun muitas  de l sou tiempo, a alguns cumpanheiros de scuola, alguns de l mesmo anho, alguns que morában na mesma rua.

 Nun le faltaba nadica que fusse, na mesa i ne l caixon staba siempre la fogaça i un prato cun chica. Fogaça feita por sue mai ne l forno,  puis por bias de l muito consumo de l pastor i l buieiro, sue mais cozie ua fornada por semana. L prato cula chicha gorda que habie sido tempero na cozedura de l caldo, nien siempre l persento, l salpicon éran persença, até nien nas casas ricas,  porque esses manjares solo marcában persença na mesa an dies de fiesta ou nomeada, assi cumo ls gisados de bacalhau que el i sous armanos torciemos l nariç, dando buoltas i mais buolta anté que sou pai disse por eilha. 
 Chamában-lo biqueiro, mas para nun l ber lhebantar de la mesa cun fame, le dezien para s’agarrar a la cicha. Porque chica cun pan, a esso nunca le fizo fastiu, era quanta benisse.

I desses guisados de bacalhau que de garoto torcie l nariç, mais tarde, na bida de melitar se lhembrou muito, quando ne l rancho de l quartel era arroç cun frajones i frajones cun arroç, que saludades de ls guisados que nun gustaba feitos por sue mai, mas yá era tarde.

Las polbeiras secas mercadas an Alcanhiças, quando tiradas de l pote fomegando cumo fumegában ls çufinos de la bacas an dies de friu, cozidas cun patatas chegában a la mesa era un de ls maiores cunsuolos que tenie, gustaba-le quemer polbo.

An garoto siempre gustei de quemer, mas tamien qual ye l garoto que nun gusta?

17/06/16

Anformaçon / Informação

"Stimados cunterráneos i amigos, eiqui bos deixo (an pertués) l'agenda cultural de la Junta de Freguesie de Zenízio an coordenaçon cula mardomie de ls fiesta i l´Associaçon C. i R. Sol Nascente" pa ls meses de Júlio, Agosto i Setembre.







 Junta de Freguesia de Genísio
 Genísio-Miranda do Douro
 5210-090-Genisio


                   
Agenda cultural 2016

Freguesia de Genísio.

Dias 27 a 31 Julho, 14ª Edição do Festival Itinerante de cultura tradicional “l Burro i l Gaiteiro”.

Dia 12 de Agosto festa em honra de Santa Bárbara e S. Bartolomeu, de manha peditório com os gaiteiros, as duas da tarde missa solene e procissão, a noite arraial animada com o conjunto
 (O TRIANGULO).

Dia 14 de Agosto passeio pedestre pelos caminhos do nosso “Termo”, ao meio dia almoço, organizado pela comissão de Festas, de tarde será o lançamento do livro
( La Galhega/ A Galega).

Dia 15 de Agosto jogos tradicionais, organizados pela Associação "Sol Nascente".

Dia 06 de Setembro passeio BT de Genísio ao Naso com almoço a chegada, Organizada pelo A.S.N.


Na Especiosa
Dia 12 de Agosto em honra de Stº Gregório, de manha peditório com animação musical 13.30 horas missa solene e procissão, a noite arraial animação com grupo musical.



                          
Cumprimentos

O Presidente

José Marcelino Antão

14/06/16

Dibulgaçon


Dius bos deia buonos dies

Hoije solo bos deixo un bídeo de "Turismo de Miranda do Douro", que tamien me chegou i quiero partelhar.

https://www.facebook.com/429693680544467/videos/vb.429693680544467/575380032642497/?type=2&theater

Saludos

05/06/16

Tradiçones clareas



Yá muita beç me tengo anterroguei se stou squecido ou se nun hai mesmo na mie tierra ou na region algue asparcido. Puis ye ua region chena de tradiçones cumo todos sabemos, muitas deilhas lhigadas a la jubentude, cun fuortes lhaços ne l que toca a namoricos i matrimonhos.
Cuido que l mais cierto ye que las haba i que nun seian de l miu conhecimento, puis you aquando rapaç scapei-me, de mui nuobo, quaije se puode dezir que nun bibi al que muitos rapazes de l miu tiempo bibírun. De garoto nun tenie orde d’ír als juntouros, de rapaç ne l tiempo de las fiestas, arraiales i namoricos yá nun andaba por alhá

Todo esto ben a perpósito de la temporada de Santo Antonho an Lisboua, que ye un bun eisemplo de que digo, adonde la tradiçon d’ouferecir un manjarico cun berso (quadra), eilebando i amostrado l bien querer atrabeç de la palabra, declaraçones ounibersales que amórnan l mais duro sentimiento


Un manjarico cun berso

Fai parte de la tradiçon

La mie inda se guarda

Cumo buona recordaçon


Outro que ye conhecido de todo l mundo, alhá pa riba, na region de l Minho, ls lhenços bordados a mano, screbidos na fala de l pobo tal i qual. Botando las mais bariadas mensagens. Hounestas, clareas, cumo clareas son quaije siempre las antençones dua rapaza para chegar al coraçon daquel que lhieba n’alma, ne ls suonhos i que quier pa l feturo.


Eiqui tenes l miu coraçon

I la chabe pa l abrir

Nun tengo mais nada para te dar

Nien tu mais que pedir
 
Estes son dous de l eisemplos, de l muitos que hai por esse nuosso Pertualico afuora.



Qual serie, se ye que habie l modo na region mirandesa (praino) que s’armanaba?

04/06/16

Alguns "ditos dezideiros" subre l més de Júnio



 


 -An júnio, perdigotos cumo punhos

-Ande l berano adonde andar pul San Juan (24.04) acá ben parar
-Chóban trinta maios e nun choba an júnio

-Chuiba de júnio, maleita de l mundo
-Chuiba de San Juan (24.04) bebe l bino i come l pan

-Chuiba junial: fame giral

-Dezembre cun júnio al zfio, trai janeiro friu

-Feno alto ou baixo, an júnio ye segado

-Júnio calmoso, anho fermuoso

-Júnio chuibioso: anho peligroso

-Júnio floreiro. paraíso verdadeiro

-Júnio fouce al punho

-Júnio nun dá nada; mata la fame cun cebada

-Júnio, drume-se subre l punho

-Júnio, scunho; júlio, debulho

-L sol de júnio, madruga muito

-La cortiça an júnio sal a punho

-Maio friu i júnio caliente: bun pan, bino balente

-Para júnio guarda un cepo i ua pinha, i la bielha que esso dezie guardados ls tenie

-Pitas pul San Juan (24.04) pul Natal uobos dán

-Pul San Juan (24.04) la sardina pinga ne l pan

-Sol de júnio amadurece todo