COPRATIBA RIBADOURO

.
COPRATIBA RIBADOURO
.

Que melhor persente de Natal que ber ls binos de la Coperatiba Ribadouro ne l Guia Popular de Binos 2012, de Aníbal Coutinho? Son ls melhores binos que stan alhá i mais inda, l nuosso bino ye de ls mais recomendados i cun dues streilhas. Para recolher hai que sembrar i la Coperatiba Ribadouro stá ne l bun camino.
Naide ye santo na sue tierra!

.

.

Aníbal Coutinho quien ye?
Ne l final de 2002 ampeçou a screbir subre binos i a antensificar l sou trabalho de crítica specializada, colaborando cun bárias publicaçones nacionales. Publica, zde 2005, dues seleçones anuales de bino: “Copo&Alma, Melhores Binos” i “Copo&Alma, Guia Popular de Binos”, eiditado pula Persença i premiado cul Gourmand Award, l purmeiro an Pertual cun ua seleçon, an proba ciega, de ls melhores binos de ls de cunsumo diairo, que pretende ser ua ferramienta d'apoio al cunsumidor qu'adquire ls sous binos na moderna çtribuiçon.
Ye outor de l guia “TOP10 Binos Pertual”, eiditado pula Dorling Kindersley-Cibeli¬zaçon. Ne l strangeiro, scribe pa la Bino Magazine (Brasil), Argi (Spanha) i ye co-outor, cun Michael Oulebier i Neil Pendock, de l guia sul-africano de binos The People´s Guide.
Ye júri de bários cuncursos anternacionales de bino, cumo l Cuncurso Mondial de Bruxelles, Anternational Wine Challenge ó l Mundus Bini.
Antre las colaboraçones cumo formador i cunselheiro, çtacan-se las parceries cula Scuola de Houtelarie i Turismo de l Storil, culs Houteles Tiboli, cul grupo Portugália, cula Miele i cula Sonae Çtribuiçon.

.

COPERATIBA AGRICOLA RIBADOURO

.

La Coperatiba Agrícola Ribadouro mais ua beç lieba bien alto l nome de la nuossa region. Mais dues medalhas de prata, ua an binos brancos i outra an binos tintos. Fui un cuncurso anternacional, an Spanha i bastante eisigente, yá que se tratou dua pruoba ciega i cuncorrírun 351 binos. L júri de l cuncurso fui cumpuosto por 15 personalidades ligadas al setor bitibinícola, ouriundas de países cumo Spanha, Pertual, Almanha i Estados Ounidos.
La Coperatiba Ribadouro fui la única coperatiba pertuesa a cunseguir prémios.
L Jornal Nordeste dou l'ambora de l cuncurso, mas talbeç nun se tenga apercebido deste fato. Talbeç por tener l nome Ribadouro, çtacou ls binos de l Douro, mas la Coperatiba Ribadouro queda an Trás-los-Montes cun sede an Sendin, bila de l Nordeste.

COOPERATIBA RIBADOURO

.
BINO “LHÉNGUA MIRANDESA”
.

.

Ye siempre cun muita alegrie que bemos la Coopratiba Ribadouro, de l Praino, mais coincida pula Dega de Sendin, partecipar an mais ua einiciatiba de ajuda a quien precisa i inda mais quando l faç tamien cun la nuossa lhéngua na delantreira, porque de cada garrafa ou pipico de carton, de l bino “Lhéngua Mirandesa” bendido, 0,50E son pa la Associaçon de Solidariadade Social “Ajuda de Berço”.

.

.

Ende queda la publicidade que tamien yá stá na fuolha de la Lhéngua Mirandesa, ne l Jornal Nordeste.

PROMOÇÃO DE VINHOS

.
PORMOÇON DE BINOS
.

Realizou-se an Chaves ua açon de promoçon de binos Trasmontanos i Galegos adonde stubírun muitos antendidos an binos, porsores ounibersitarios de las percipales Ounibersidades, einólogos, cozineiros i gerentes de ls percipales restourantes i cumpradores, para porbáren ls melhores binos. Para nós sendineses i giente de todo l Praino, fui mui amportante stáren alhá ls nuossos binos i bermos l RIBEIRA DO CORSO, branco, de 2009, ser l bino scolhido para l brinde a ls binos Galegos i Trasmontanos. Porque hai siempre ls que son cumo San Tomé, que solo acradítan ne l que béien, ende teneis l bideo.

.

.

Sabemos bien, que todos ls que bénen eiqui, quédan cuntentos cun estas amboras, mas para quedáren inda mais cuntentos, queremos dezir-bos que fúrun ls gaiteiros de Sendin que animórun las fiesta i la nuossa Cooperatiba Ribadouro, stubo presente cun la preséncia de l sou presidente, que cumo ua de las pessonas mais antendidas nesso de binos i castas de ubas, soubo pormober la nuossa tierra i ls binos de l Praino. Fui muito solicitado por rebistas i jornales, que alhi stubírun tamien. Las cunfraries stan de parabienes i dun modo special l Grã-Mestre de la CEGTMAD, angº. Monteiro, que ourganizou todo.

COOPERATIBA DE SENDIN

.

Júri de Eiceléncia abaluou ls melhores binos nacionales

Ls 20 persidentes de júri qu'apurórun quales ls melhores binos ne l Cuncurso Nacional de Binos Angarrafados 2010, que decorriu ne l Centro Nacional de Sposiçones, an Santarén fúrun:
Nuno Cancela de Abreu, Sandra Tavares da Silva, Anselmo Mendes, João Melícias, David Baverstock, Jaime Quendera, Óscar Gato, António Ventura, Manuel Vieira, Osvaldo Amado, Raul Riba D’Ave, António Luís Cerdeira, José Manuel Sousa Soares, Bento do Amaral, Vasco Penha Garcia, José António Fonseca, Cristiano van Zeller, Dirk Niepoort, Luís Pato, Manuel Lobo de Vasconcellos i Américo Pereira.

.
Reputados Einólogos que, juntamente cun un grupo de probadores de cerca de 250 personalidades ligadas al setor de l bino, nomeadamente Master Sommeliers, jornalistas anternacionales i brokers, nomeadamente Fréderic Lebel, Fabien Etienne, Patrice Tapia, Jorge Lucki i Lucas Souza, atribuíran las medalhas de prata i ouro i l Prémio Prestígio als melhores binos angarrafados de Pertual, cun chamaçon d'ourige (DOP).
Cuncorrírun 711 binos i mais ua beç la nuossa Coperatiba ganhou ua medalha de prata.