Por bezes las agruras de la bida fázen-mos fastar de ls caminos que traçamos mas, nin por esso, quiero deixar an branco esta data que se aprossima.
A todos ls que fázen parte destas Froles, ls que solo gústan de lher las marabilhas qu'eiqui se scríben i tamien para todas las sues famílias i amigos, deseio un Natal cheno d'harmonie i todo l que la caixa de ls suonhos mos faç acraditar.
Que l Anho Nuobo que se aprossima seia ua puorta abierta para nuobos suonhos i muita paç, para un mundo melhor. Que nun séian las prendas, que tan generosamente colocamos ambaixo de l nuosso pinheiro de Natal que mos fágan felizes mas si l berdadeiro sentimiento que stá andrento de nós.
Que la streilha de Belén cuntinue a brilhar ne ls nuossos coraçones i mos apunte l camino para pormober la Paç, justícia i solidaridade.
Buonas Fiestas de Natal i un Feliç Anho Nuobo, cun salude i prosperidade.
3 comentários:
Buonos dies Isilda
-De l mesmo modo tamien deseio para bós i buossa família un Santo Natal cun salude i harmonie
-Las buossa prendas ténen benido çtribuidas durante l anho, ténen sido ls guapos i eicelentes testos i las mensaiges carinosas i ancentibadoras.
-I que la streilha, cumo dezies, de la spráncia, fé, de pormober la paç, la justícia i solidaridade mos alumie a todos nós par custruir un mundo melhor
Buonas Fiestas
Beisicos
Faustino
Las melhores flores bénan de quien gusta de ler ls nadas que eiqui deixamos todo l anho ne l Froles, porque todo
l anho debe ser Natal.
Bien haiades a todos, quien scribe i quien lei.
Amor, çprança i solidariedade!
Beisos
Adelaide
Nunca ye tarde para agradecer...i cumo diç la cuonta, mais bal tarde que nunca.
Oubrigada Faustino i Adelaide, que l'Anho Nuobo bos traga muita salude, Amor i çprança nun mundo melhor.
Beisicos
Isilda
Enviar um comentário