18/07/09
Ser scritor
Para Delaide i Jesé Stebes:
Agradeço-bos als dous
L galardon que me dais,
Mas nun passou de rima
L pedido para ls demais.
Alfredo ye de ls melhores
I de Ana que queremos mais?
Cun poema tan guapo
Subre ls ninos i ls pais,
Quereis proba maior,
De que ten que ser scritor
Quien trai para este nieiro,
De que faç parte Cangueiro,
Un poema subre l’amor,
Mas de l mais berdadeiro
Que fizo nacer ua flor?!
Almendra
Subscrever:
Enviar feedback (Atom)
2 comentários:
Buonas nuites, primo Zé, Amigo Poeta !
Cun mais este poema tenemos la proba eibidente que si l merece l galardon i que faç bien a l'alma este jardin yá cun tantas froles que mos énchen la bida de poesie...
i tamien de alegrie !
Un abraço para Marília...
i toda la sue família !
Die 21, que die tan lindo para l tou quementairo, fazíen anhos ls mius dous filhos. Almuorcei cun un an Bregáncia i cenei cul outro ne l Porto. Tamien tenie que ir a la rebison, si, porque la giente quando muda las pieças de l carro ten que ber se las cousas ándan bien. Parece que todo bai rodando.
Por esso solo hoije bi l quementairo que me deixou mais cuntento inda.
Marilia bien merece l abraço, solo por me aturar.
Un abraço para ti tamien i outro para Antonho i las ninas.
Enviar um comentário