02/07/09

Renace




Mulhier de lhenço cun l cuorpo tapado
Até ls pies çfarçado.
Mulhier de lhenço
Cun uolhos anquietos
I guapos
Boca rubra
De báton, marca l cigarro.
Porquei scondes l cuorpo que tenes bibrante
Cun roupas que nun són las tues?
Porque tapas l pelo
Que ye de un quelor brilhante
Para bolar pulas rues?
Porque mantenes l alma presa
Se essa prisón nun ye la tue?

Anfrenta.
Lhuita contra la tradiçón
Contra l machismo, la oupressón
De la cultura, de la família.
Fai l que ls tous uolhos amostran
Las curbas de l tou cuorpo piden
Corta las amarras que te amordaçan
I tira ls benairos que te prenden.
Rompe cun las regras, rasga las roupas, rasga l lhenço
Rasga todo l que te amenace.
Renace.



4 comentários:

Tiégui disse...

Buones dies,
sabeis muitas bezes ye mas por rebandicaçones eidentitairas que por outra cousa qu'eilhas assi se bisten.

Ye cume you quando pongo al gorro de gueiteiro ou que traio a la mano la bandeirina de la cruç amarielha.

Cuidado, que nien siempre ye por machismo. Muitas bezes hai pulitica ende atras.
Eiqui an França ten se bisto isso zd'hai mui pouco tiempo. An berdade solo çque fui las guerras an Afganistan i por aquesses lhados ye qu'esse tipo de traige se manefestou eiqui.

Ou seia, isso aparece mesmo solo por rebendicar ua eidentidade.

Pra mie, isso nun ten nada de defrente cun un purtués que lhieba al pendado de l'outro nadador que diç fai futebol (Ronaldo).

Apenas querie dezir qu'hai muita muita pulitica tras d'isso i que nun ye tan simples cume ua storia de relaçones home-mulhier.

Ye bien sabido que son siempre los eimigrantes que son los mas radicales...

Adelaide Monteiro disse...

Ye berdade l que tu dizes; hai siempre çfrentes rezónes.
L miu filho que stá a trabalhar an Stambul dixo-me que muita beç són eilhas que quieren andar assí. Na ounibersidade i no trabailho nun puoden bestir-se assi, mas bisten-se an to las outra circunstançies.
Hai un libro "Niebe" de l scritor turco Pamuk que aborda l assunto bisto por quien se biste assi.
Oubrigada po l tou quementário.

Adelaide Monteiro disse...

Tiegui,
Bou a ler esse lhibro

Tiégui disse...

You nun sei deste lhibro. Mas ua cousa sta cierta, ye que s'esse traige ye malo pa las ties d'Afganistan, las d'eiqui trayan-lo solo por rezones eidentitairas, que cousa stranha !!!

Hoije an die inda hai muitos traiges eidentitairos: al fato de los Dançadores, al traige de los studantes (que ten dobre sentido, sou studante i bengo deiqui...), ou al pendado de Ronaldo, ou la bandeira purtuésa an camisolas ou anieles...