15/07/09

Triato


Jesé de Almada Negreiros (San Tomé, 1893 – Lisboa, 1970),
Figurines for Cunha Taylors, 1913


Cunheci un pouliteiro
que era un trauliteiro,
Un anfermeiro
que era un pantomineiro,
Un cirurgion
que era un fanfarron ,
I un doutor
que era un hourror !

Mas tu... Anible…
sós la pessona más sensible
agradable i formidable
que até hoije cunheci…
Si !

Pena que la tue tie,
dura cumo ua arble
ou até l mármole,
cousa que bien antendi !,
seia ua mulhier terrible
i nun te querga a ti…
Puis ye !

I you…
nun lhiebes nada a mal
mas sou tal i qual…
Cumo tu, Anible !
Si, ye possible !

Mas esso para que mos bal
se sei afinal
Que todo ye mui banal …
Rial ou tiatral… ?
Normal i eissencial… ?

Nun tenerie paladar
ua bida sien sal !
Tal i qual ua fiesta
quando nun hai arraial !



Sem comentários: