10/07/09

Cun l sal de l mar



Fiç un poema

anquanto nadaba
na auga de l mar.
Pa l screbir i
a la percura de letras,
senti-me tan lhebe
que you yá flutuaba.

An braçadas de frases,
grabei-le eimoçones,
nas augas lhiberta,
lhibeartei l poema,
de cadenas, prisones.

Screbi-lo nas charrascas,
nas algas marinas,
nas piedras de l mar,
grabei-lo ne l cielo
azul a relhampar.

Na óndia gigante,
cun el a brincar,
lhibartei l poema
para el se secar.

Screbi un poema
cun l sal de l mar.




Sem comentários: