16/07/09

Ser scritor de mirandés



Ser scritor ye ser artista,
Ye screbir cul coraçon.
Nun basta ajuntar palabras,
Costruir bien la ouraçon.
Nun basta querer screbir
Cun muitos erros ou non.
Nun ye screbir an berso ou prosa
Cun buona ou mala anteçon.
Ser scritor ye screbir bien
Mas tener arte na ocasion.
Delaide ye eisemplo ne l berso
Na prosa, Faustino Anton.
Jesé Stebes ye an todo,
Amadeu a todos dá liçion.
I las outras frolesmirandesas
Cumo Ana i Alfredo Cameiron,
Nun son tamien scritores?
Dezi alhá bós, anton.
Mas nun me deixeis de fuora,
Que you tamien quiero galardon…

ALMENDRA



2 comentários:

José Esteves disse...

Scritor ye tamien tiu Almendra
Cun sabedoria i curaige
Queda eiqui l miu galardon
I rindo-bos mie houmenaige.

Parabienes tiu almendra
Bos digo you neste momento
Al ler l que bós screbeis
You quedo todo cuntento.

Mui guapo esse poema

Un abraço.

José António Esteves.

Adelaide Monteiro disse...

Tio Almendra ye porsor
e sabe bien dar liçones;
nos retratos ye doutor
na poesie yá amostra balor,
quedan eiqui ls galardones.
bien haias