17/07/09

Marculino sos al miu heiroi !



Hoije staba you decedido an screbir eiqui dalgo suobre los mirandeses que passan na terbizon i que nun son capazes de falar na nuossa Lhiengua. Pur acaso, ya bai dies qu'ando algo einerbado cun isso i ya hoije bendo al purgrama "Brano Tutal" na terbizon ye que tenie mesmo que screbir eiqui dalgo...


Pensai bien... un spanhol quando ye anterbistado pur la terbizon purtuésa que lhiengua fala ? Spanhol, nun ye ? I anton purque que conho sera qu'un mirandés anterbistado ten d'usar outra lhiengua que la sue ?


Tiu Marculino a cuntar la lhona dals sandineses

Nisso, un Samartineiro mui spierto, i ya bien afuora (cume you) de todes essas cousas de bergonha i tal falou cume debie de ser nela sue lhiengua, na terbizon agora mesmo ! I anté cuntou la sue famosa lhona dal casal Sandinés ! Ua marabielha !



Franquamiente..... Gracias tiu Marculino ! Inda bien que stais bos aende ! Se no inda pensarien las pessonas que so falamos purtués !



Ho ! Mas agora ya stan los Galanduns a falar an purtués... mas quei ? Cantoran an mirandés i agora falan an purtués... sera que solo se puoda cantar an mirandés ???
Ho ! Ya agora tiu Ribeiro tamien fala an Purtués ! Ho ! Pior inda, al tiu qu'apersenta la posta mirandesa i la bolha doce falou de "bola doce" HO HO ! Mas que raio ye isso ??? Ye bolha, bolha, bolha caracho !!!!!

Tiu Marculino tornai outra beç !!! I ansinai als outres cume ye !



4 comentários:

Isilda disse...

Buonas tardes amigo!

Mira Tégui, nun deberies star admirado por se falar an Pertués an Miranda - cidade. Ende nunca se falou mirandés. Na mie mocidade todas las rapazas i rapazes de las aldeas que falában mirandés, éran ls "palhantres"
Solo l tio Lhérias de Paradela, hai muitos anhos atrás, ye que nun tenie bergonha de falar an mirandés. Siempre fizo ls çcursos als politicos que benien la Miranda, an mirandés.

Saludos
Isilda

Tiégui disse...

Pus inda ye tiempo de cambiar todo ! Purque hoije hai palhentres, giente que bai an frente...

Ana disse...

Buonas nuites outra beç, Thierry,

Inda pensei que a partir de la eimaige que poniste ne l meio de l testo poderiemos tamien oubir l programa cun esse tiu a falar mas nun fui possible... Ye normal ?

Tiégui disse...

Si ye nurmal Ana. Ye que saquei al retrato cula maquina dal que staba a dar an riba la pantalha ! Assi que solo ye ua eimaige... nada mas.

Mas si'l bou a puner, deiqui a pouco.