12/07/09

Las bolhas de chicha dal Praino



Yá se falou eiqui de las bolhas de chicha que s’acostúman fazer pula Páscoa. Ende crie you solo adicionar qu’hai bárias maneiras d’amassar aquesta tal bolha. Cume yá fui dezido, las bolhas son todas salgadas i lhieban todas furmiento. Hai pul menos quatro maneiras de fazer :

-La bolha de chicha: ye la mas coincida. Ye mui asparecida a la que se fai an Sabes. Ten uobos, azeite i chicha.



La bolha de chicha



-La bolha c’un uobo nel meio :
ye un pan normal, mas c’un uobos alhá metido antes de cozer, fazie-se antanho an Cicuiro*.

-La bolha de chicha c’un uobo nel meio : ye cumpuosta d’uobos, azeite, i chicha. Tamien lhieba un uobo nel meio antes de cozer. D’antanho yera feita an Samartino*.




La bolha de chicha sien uobos



-La bolha de chicha sien uobos : ye un pan normal, so que lhieba chicha i azeite. Dalguas bezes yá nun se le bota azeite. Mas isso depende dal gusto de las pessonas ; hai las que perfíren sien ueobos.

*Solo andico eiqui sítios adonde se fazien. Possiblemente que se farien an outros pobos de la mesma maneira. Isso depende muito de cume un daprendie a amassar, i de la tradiçon de la familia.



Sem comentários: