06/07/09

Amborrachai-bos


Hai que andar siempre borracho. Ye l que cunta. Ye solo isso que amporta. Para nun sentir l tremendo peso de l Tiempo que bos derreia las cuostas para la tierra, teneis que bos amborrachar sien parar. Mas cun quei? Cun bino, cun poesie ou cun birtude, cumo quejirdes. Mas amborrachai-bos. I se algua beç, nas scaleiras de un palácio, na yerba berde de un balado, na solidon fosca de l buosso quarto, spertardes, i la borracheira yá bos tubir apartado, procurai-le al biento, a la óndia, a la streilha, al páixaro, al reloijo, a todo l que se scapa, a todo l que geme, a todo l que ruodra, a todo l que canta, a todo l que fala, procurai-le que horas son; i l biento, la óndia, la streilha, l páixaro, l reloijo respunderan-bos: son horas de un se amborrachar. Para nun ser ls scrabos marterizados de l Tiempo, amborrachai-bos! Hai que andar siempre borracho! Cun bino, cun poesie ou cun birtude, cumo quejirdes.

C. Baudelaire
Le Spleen de Paris

3 comentários:

ACangueiro disse...

À Tortulhas, logo manhazica: roloijos, steilhas, páixaros, muitos automobles i... un scrito, mui guapo, ya quedei mais amborrachado!

Un abraço,

ACangueiro

Boieiro disse...

Esse Baudelaire se calha andubo de biajante pul Praino. C'ua borracheira dessas ...

Fir disse...

Olá, Tortulhas.
Ultimamente, tenho andado um bocado aborrecido e chato. Acho que é falta de uma boa bebedeira. De vinho ou de poesia, ou então, da melhor de todas, de vinho e poesia.
Abraço.