12/07/09

Sien comentairos

http://www.sendim.net/noticias/hoije/noticias_titulos.asp?id=668

6 comentários:

Adelaide Monteiro disse...

Nun percebi l títalo de l ambora, Almendra.
Beisico
Delaide

Almendra disse...

Que nun screbi nada, porque nun balie la pena andar a poner todo de nuobo, bastaba clicar. Inda nun me dórun ls retratos i tube que poner ls que achei, mas apuis yá ls pongo.
Bs
Almendra

Almendra disse...

Solo mais ua cousica Delaide,

Ye ralo ir a la fiesta de l die 10 de Julio. Quando la Assamblé Munecipal tornou l die 10 cumo feriado oufecial, era you membro de la Assamblé por bias de ser l presidente de la Junta de Freguesie de Sendin (l purmeiro eileito democraticamente i pul Partido Socialista)i tubimos ua grande çcusson para scolher l die, porque muitos defendíen l die 24 de Junio, que yá era meio "die nomeado", por bias de l cuncurso de la raça mirandesa. Fui you i l membro de l CDS Artur Carlos Alves i l dr. Santos de la CDU, que faziemos la propuosta que acabou por ganhar. Mal nun era, you fago anhos l die 10 de Julio.
Custa-me a screbir subre esse die i l que se faç.
You sou assi, you sou assi...Almendra!
35 anhos apuis de l 25 de Abril inda hai giente que nun antendiu que l melhor de la reboluçon nun fui la squierda, nin la liberdade, nin la democracie - fui la toleráncia, todo l resto bai-se fazendo, mas quando acabar l ódio, la antoleráncia, l eigoismo, l YOU SOU! Quando daprendirmos a ser NÓS.
Un beisico, solo un para que naide tenga ciumes.
Almendra

AF disse...

Ls lhibros »Ls Lusíadas» i «Mirandés - Stória dua Lhéngua i dun Pobo» nun fúrun apersentado l die 10 de Júlio an Miranda porque l eiditor fui ouparado de ougença dous dies atrás. Talbeç se cunsiga fazer essa apersentaçon mais tarde.

Amadeu Ferreira

Adelaide Monteiro disse...

Almendra,
Tenes rezón quanto a la antoleránçia i la falta que fai la toleráncia antre pessonas i naçónes. Assí i todo you acho las outras cousas tamien mui amportantes.
Parabienes atrasados i que fagas muitos i felizes.
You si te mando muitos beisicos a ti. Nun tengo miedo que haba ciúmes... Cun esta eidade yá se fai i diç todo.
Delaidica

Almendra disse...

L HOIJE nun puode star an todo lado i muitas bezes para dar las nuobas ou cunseguir ls retratos ten que andar "Á tiu á tiu" i cumo nun stube na fiesta de Miranda, solo apuis de l comentairo de Amadeu ye que soube de la altaraçon de la apresentaçon de ls libros de BD. La nuoba de l die 10 fui altarada i fui retirada la parte seguinte: - la apresentaçon de ls libros de BD – Ls Lusíadas i la Stória de l Mirandés, cun dues eidiçones, ua an pertués i outra an mirandés, de José Ruy i Amadeu Ferreira -. Ne l blog de l HOIJE tamien publiquemos la splicaçon cun la seguinte nota final: -Pedimos sculpa i aporbeitamos para desear ua brebe recuperaçon a Baptista Lopes, que fui ouparado de urgéncia dous dies antes, rezon porque houbo la altaraçon de la apresentaçon.
Almendra