24/07/09

Zatei las palabras




Zatei las palabras
i botei-las a bolar.
Las palabras assi lhibertas
ajuntórun-se nua nubre branca,
nun poema.

Declamei l poema cun bigor
para tu l oubires,
para fazer salir de la tue alma
ua risica,
anque triste…

Mas nó!
La tue alma nun oubiu l miu poema
anque fusse an pingas dua nubre…

Sboça ua risica...
Quiero ber ls tous uolhos a relhampar,
ua lhuç fraquita que seia,
cumo se fusse la lhuç dua candeia
que cun un airico lhebe se bai apagar.

Apagou-se la lhuç...
Apagou-se l miu poema...

Percurei-lo na nuite,
mas l poema tornou pa la nubre branca
i, zeiludido...
cumo se fusse ua streilha cadiente,
por l faltar l tou sorriso,
…calhou-se para siempre.




4 comentários:

Ana disse...

Cumo sabe, Adelaide, gusto de ler ls buossos poemas. I inda onte me lhembrei de bós nua agéncia de biages an França porque l’ampregada a cierta altura ampeçou a dezir mil i ua marabilha subre la Turquia mas subretodo la region de Izmir que ten temperaturas mais amenas nesta altura de l anho do que por eisemplo ne l Sul…
Lhembrei-me tamien de l artigo subre la Turquia de la sue outorie que aperpuso recentemiente al jornal Nordeste i que tamien gustei de ler.
Anfeliçmente inda nun bai a ser este anho que bolarei an direçon a essas tierras, rumo a Oriente…
Parece que hai uas tierras i raízes, rumo a Ocidente, que tamien cháman por nós…

Felcidades.

R disse...

Parabéns muito sinceros, por ter este blogue. Desconhecia totalmente que existiam blogues em língua mirandesa. Eu não sou da região, nem lá tenho familiares, mas interesso-me pela língua, daí o ter ficado satisfeita por haver blogues em mirandês. Tenho um blogue que se chama "Uma Mansarda em Lisboa", e o meu último post está na língua mirandesa. Tenho lido vários artigos e feito alguma pesquisa, tenho procurado aprender a escrever e a conhecer algum vocabulário.Agora gostaria de conhecer alguma literatura na vossa língua. Por isso vou continuar a passar por aqui.

Adelaide Monteiro disse...

Bien benida al nuosso blog Froles, Marina. Cumo bedes hai neste blog, l lhado, ua relaçón de blogs an mirandés, i la quadrilha que eiqui scribe tamien ye stensa.
Beni siempre que la lhéngua mirandesa merece todo esse carino.
Quije entrar ne l buosso blog mas nun fui capaç.
Passai siempre i la quadrilha stá l buosso çpuner para bos ajudar n´algo que perciseis.

Bien haiades,
Adelaide

Adelaide Monteiro disse...

Ana,

Na berdadade la Turquia ye un destino turístico que recomendo: augas calientes,praias inda quaije que no sou stado natural i culturalmente riquíssima. podemos tamien fazer uas férias mais baratas, l custo de bida ye mais baixo que eiqui i todo pesa a fabor.
A perpósito de la mie crónica, Ana, stamos a spera de crónicas tues dende, de Sul, adonde bibes ou de outro sítio que tu quergas. L jornal Nordeste stá a spera i ls mirandeses tamien.
Trata desso, rapaza!

Beisicos,
Adelaide