18/07/09

"Berano Total 2009"

"Berano Total 2009" - Porgrama de la RTP1

Hoije bengo eiqui, prestar la mie houmenaige al porsor Marcolino Fernandes, de San Martino, que ne l porgrama de la RTP1 "Berano Total 2009", eimitido an direto de Miranda de l Douro, i que grabei na totalidade, para poder ber posteriormente todo l qu'ende se passou.

Porquei dar ls parabienes al porsor Marcelino? Porque fui el solo que fizo queston de representar las nuossas aldés, an mirandés, assi cumo fazer las apersentaçones de las bárias atibidades i produtos de la region, tamien an mirandés.

Adorei ber la profisson, la qu'agora se dedica, que ye la de cesteiro. Ten trabalhos mui guapos, percipalmente l chapéu qu'usaba i qu'el fizo cun brimes, era mui guapo, tamien gustei de la lhona que cuntou mas que nun la bou a dezir eiqui.

Parabienes porsor por tener representado tan dignamente la nuossa lhéngua. Parabienes tamiena a la RTP1 pula forma purfeita cumo dibulgou to la region de Miranda, percipalmente Sendin, an que mostrou un pouco de todo l qu'alhá se faç.

3 comentários:

Ana disse...

Buonos dies, Amiga,

Bai a passar outra beç esse decumentairo, se nun m'anganho...

- na RTPi, die 20, a las 2h15

- na RTP1, nesse mesmo die 20, a las 10h00 de la manhana

L que a mi me bai oubrigar a star spierta a las 2h15...


Bien haia por mos dar tamien l'ambora subre esse programa.

Tiégui disse...

Ha Ana aquielho dira 6 horas hahaha. Ua que ya nun bai a durmir !

Grabei un cacho dal purgrama. Claro grabei a tiu Marculino, i ya'l punerei nal caderno de Cicuiro... quando puderei resulber um purblemas de furmato bidio héhéh

Tiégui disse...

Pra quien nu'l chegou a ber : http://cicuiro.blogspot.com/2009/07/un-samartineiru-fala-mirandes-la.html