17/07/09

Paleta de letras


Ye nas tintas
que mergulho
i squeço
tempestadas d'arena
que me ancendéian ls sentidos.
Ye an ti,
paleta de quelores
de la tierra que piso
que me lhiberto i prossigo.
Ah tela branca
que me acagatas
quando te penso,
sós fuolha branca
an que me meto
i lhiberto!
Chegai-bos a mi
i lhibertas,
bíbamos la bida,
renacida.
Ye nas palabras
que nabego,
i lhuito
contra ls oulios de l airaçada
que me sécan la piel,
me sécan la boca,
me bótan
contra mi própia.
Ye nas tintas de l poema,
nesta paleta cromática de lhetras
que me ancontro,
amo,
bibo,
me perdo...




2 comentários:

ACangueiro disse...

L postigo de la pantalha arrepiça l colorido de las palabras que bolan al aire!

Saludo!

ACangueiro

Adelaide Monteiro disse...

...L quelorido de las palabras an paleta de cores tierra cun que renaço i para adonde bólo ancarrapitada nas alas de l poema...!
Beiso