01/11/09

Penheirinas

Son fuontes las penheirinas
Cul merujeiro na sierra
Agárran l’auga a las nubres
Çcarrégan-la na tierra.

La fuonte nas penheirinas
Gota a gota bai botando
Pon tempeiro nas raízes
Ye l ourbalho caminando.

Penheirinas que son fuontes
Fazen de l puolo un terron
Refréscan la sementica
Que há-de botar un melhón.

Penheirinas de palabras
Agarrai estes sonidos.
Falai neilhes, cantai alto
I bereis cume estan bibos.

Penheirinas son las gorjas
Bien abiertas a boziar
Na lhéngua cun que nacimos.
Son palabras a manar.




2 comentários:

Adelaide Monteiro disse...

.."penheirinas fuontes, palabras, gorjas para boziar na lhéngua cun que naçimos"..., ourbalho, gotas...

Que cousa tan guapa mos deste...
Beisico

franciscobelharino disse...

Buons dies Abelhón,

Que bersos guapos boteste subre la penheirina. Parabienes gustei muito.

Un abraço,

Francisco