04/11/09

Ls prazeres




Fuste la rainha de ls prazeres
Nestes anhos yá passados
Agora nun botes todo a perder
Cun prazeres mal calculados.

Pus prazeres ye perciso tener
Mas que seia cun cunta i medida
Senó rainha de ls prazeres
Nun tenerás prazer na bida.

I para que te cuorrer bien la bida
Prazeres ye perciso tener
Mas tenen que ser prazeres
Que te deian muito prazer.

Pus se ls prazeres nun dan prazer
Mais mos bal nun ls tenermos
Mas cada un de nós ye que sabe
Ls prazeres que nós queremos.

Ye perciso scuolher bien
Que prazeres quiere un agarrar
Porque hai ciertos prazeres
Que mais bal nun ls spurmantar.

You quiero para ti rainha de ls prazeres
Prazeres cumo ls que tengo you
Spurmenta un de ls que you tengo
Que you spurmantarei un tou.

Dá-me a mi(n) un tou prazer
Que de ls mius you te darei un
I bamos a bibir ls nuossos prazeres
Siempre, siempre an comun.

S´assi fur bais tu a ber
Cumo eilhes son aporbeitados
Quando ls nuossos prazeres
Furen bien misturados.

Aquel prazer que tu me deste
Muito, muito prazer me dou
Fui un prazer tan grande
Qu´inda nun se me acabou.

José António Esteves




Sem comentários: