23/11/09

Qual é a tua terra?




Dadonde yés?
Percura de que nunca gustei i fazírun-me-la nun die de feira ne l Naso.
Feira armanica a cientos deilhas ne l Naso, an Malhadas, Caçareilhos, esta si staba cumpuostas de tendeiros, çapateiros, cacharreiros, lhatoneiros, albardeiros, nun faltórun muitas bacas i buis, bezerras, bezerros ne l toural, nua mistura debinal de giente de las aldés alredror, sperando. Alhá s’ajuntában, mulas i machos, yeugas i cabalhos, burras i burrancas, ganados, tagalhicos de bazies i cordeiros.
L negócio staba purparando-se para mudar de manos, cumo se fusse ua tripa de botielho todo aquel terreiro s'anchiu a la purmanhana, staba l rebolhiço armado, mais tarde las pessonas zandarien a sues tierras para outros afazeres, ls compradores de baixo carregarien las furgonetas de bezerros i canhonos rumando a outras paraiges bien loinge deiqui, lhebando la melhor chicha que un die se biu.
Outras serien las cuontas de ls bendedores que a estes feiras benien para se çfazer de la cria, puis éran temporadas çfíceles, mantener la criaçon pul eimbierno andentro nun traie lúcaro para naide, i nien siempre habie ganas de pagar bien pul mais bien tratado bezerro ou canhono
Quedei-me pur un rato senhor i duonho duns cordeiricos que cun miu pai habiemos lhebado, el percisaba siempre de dar uas buoltas para saber cumo andában ls précios, las feiras nun éran solo francas pur haber de todo éran francas ne l pedir i regatar l que se bendie i mercaba.
Dá-me fé de miu pai me dezir que era ua suorte bendermos arriba de bint’i cinco scudos cada cabeça, i mais, el querie tanto fazer un bun deinheiro para pagar la saca de sal que se mercou, a cuontar culas matáncias.
Fui-se i ls compradores achegában-se botando palabra.

-De que terra és, e quanto balem os lanudos meu rapaz? (I daba uas bardascadas cua bara que traie ne l lhombo deilhes)
Trinta escudos meu senhor. (Yá nesse tiempo era ua birtude ser bilhengue, tenie que falar pertúes, puis assi falában ls de baixo)
Atalhou de pronto
-Não pode ser, são muito caros e tu estas autorizado a fazer negócio?!
Estou e ninguém os leva por menos um tostão
Mientres miu pai bolbie de la sue ronda pul toural.
Então como bai o negócio?
L home sien saber que era miu pai, botou-se a dezir-le.
Então veja vocemessé o rapaz pensa que sabe fazer feira, pediu-me trinta escudos por cada cabeça.
-Caro senhor os cordeiros no abate botam peso, pelo que vi por aí é de aceitar.
I fui-se
L mercador palrou, palrou, mas nun arredou pie, botou mano de la carteira i pagou-me-los a trinta scudos i assenhou para ls poner na forguneta.
A camino de casa
Miu pai percuraba-me.
Porque pediste mais que aqueilho que habiemos falado?
Porque l tiu me percurou de que tierra era!
Qu’amporta de que tierra sou se a las feiras bénen de to las partes!
Passdos que son arrimado a quarenta anhos inda assi hoije penso.




3 comentários:

Boieiro disse...

Carai, Faustino! cun tanta albelidade pal negócio inda le ganhabas al presidente de Gundomar:)

Abraços ... i buonas feiras:)

Carlos Teiga disse...

Não sei se se lembra de mim,contactei consigo ha uns anos.

No meu blog http://carlos_teiga.blogs.sapo.pt/ possuo alguns poemas em mirandês, gostaria que me desse a sua opinião.

Agradeço

faustino.antao disse...

Sr. Professor Carlos

Foi um grande prazer ter notícias suas.

Lembro-me muito bem de termos falado, e de o tema ter sido a língua mirandesa, uma das suas paixões.

Queria dizer-lhe que já fiz uma visita ao http://carlos_teiga.blogs.sapo.pt (seu blogue) e li os poemas, estão muito interessantes.

A minha opinião é de que gostei muito assim como todo o que li.

Queria deixar-lhe o meu E-mail para me enviar o seu, pois assim podemos trocar mais opiniões e enviar-lhe a “Cumbençon Outrográfica de la Lhéngua Mirandesa”, outros materiais e sítios na net para além deste onde se publica muita literatura mirandesa e contactos de pessoas que fazem estudo e investigação da língua.

Penso que seria muito importante o Sr. Professor estabelecer contactos com esses estudiosos.

Da minha parte estou muito contente ter-me contactado e estarei sempre pronto para ajudar no que poder e souber

Um abraço

Faustino Antão
faustino.antao@gmail.com e nialdelaboubielha@gmail.com