05/11/09

Palaçuolo ye l miu amor




Palaçuolo, ye l miu amor
Por el stou you apaixonado
Porque nun l puodo ir a ber
Ando you triste i amargurado



Nien que l fusse ua namorada
You nun l puodie querer mais
Anton bós yá nun bos lhembrais
Que ye la mie tierra adorada
Será por mi(n) siempre stimada
Por todo l sou grande balor
I nun l digo you por fabor
Digo-lo de todo l miu curaçon
I digo-bos cun muita sastifaçon
Palaçuolo, ye l miu amor



Bibo you eiqui por Bumioso
Mas l miu curaçon stá alhá
Miesmo cumo la cousa stá
De Palaçuolo you stou ourgulhoso
Miu Palaçuolo marabelhoso
Cuntigo stou marabelhado
Ambora yá bielho y cansado
You nun me çqueço de ir eilhi
I digo-bos hoije deiqui
Por el stou you apaixonado


La bida ye miesmo assi
Fai estas separaçones
Bibo las mies cunsemiçones
Porque bibo loinje de ti
Melhor que tu inda nun bi
Andube pul mundo a correr
Para que tu quedes a saber
Digo-te las mies berdades
Ando cheno de suidades
Porque nun te puodo ir a ber



Miu Palaçuolo, miu Palaçuolo
Stou quaije a perder la calma
À Palaçuolo de mie alma
Tengo ne l miu curaçon un nuolo
Quaije a quebrar l caçuolo
Miu Palaçuolo adorado
Stá todo tan cumplicado
Cousas que aguanto porqui
Sien you nada saber de ti
Ando triste i amargorado

José António Esteves




Sem comentários: