03/11/09

Lhibardade para bolar





Tengo dous paixaricos
Nun percísan de gaiuola
Ténen ls uolhos chenos de quelores
I l peito cheno d’amores.
Nacírun lhibres para bolar,
Cantar, sunrir,
Seguir la sue trajetória.
Tengo dous paixaricos
Ampéçan agora a bolar
Tengo miedo de perdé-los
Mas nun ls puodo ancerrar.
Ansinarei-los a bolar
Pus quiero que séian lhibres,
Que sígan felizes sous caminos


An busca de la felcidade.
Cun sues alas tan formosas
Bólan an suonhos…
Poulan de galho an galho
Fázen de la bida ua flor
I ínchen l miu coraçon d’amor.


2 comentários:

Adelaide Monteiro disse...

...i, bolando cun responsablidade planaran
sien peligro
i felizes seran,
cundores subre ls Andes,
grifos subre l Douro,
gaibotas subre l mar.

Ajuda-ls a bolar!

Gustei.

Beisicos maizica.

Isilda disse...

Ei amiguica!

Siempre presente i que bien continuas ls mius poemas!

Tamien ls tous paxaricos bolóron
de l tou nial y nós bolemos dal nuosso.
Tenes razon l que interessa ye que bolen cun responsabilidade.

Beisicos,
Isilda