22/12/11

La paç pula música


Calhando nun bos fintais, mas yá uns dous Natales que andaba para poner este scrito, mas nun era capaç de chubir l bídeo... peç-me que agora yá dei ne l gato.
Esta ye talbeç la grabaçon más coincida de l porjeto "Playing for Change", la paç pula música, para armanar ls homes de l mundo anteiro pula música. Cumo mos bamos arrumando al Natal, nun me parece mal - buono, ye ua eideia que nunca parece mal - i la cantiga i ls músicos son formidables, de maneira que eiqui queda.
Indas que, a bien dezir, esta grabaçon tenga ua falta, i que nun ye nada pequeinha: falta-le ende pul meio, cumo tal, miu Abílio Topa a antrar i a botá-le ua gaitada de riba de l cabeço de la Trindade. Topa ó outros desse donairo, graças a Dius, hai-los cada beç más i más derrramados. Anton si quedaba la cousa cumpleta i bien amanhada!
I, más a más, quien sabe alhá se este "Stand by Me" nun ye la Lhéngua Mirandesa que mos lo canta a nós - cumo ye Natal puode-mos dar assi pal santimiento! -, de maneira que nun hai que fazer oureilhas moucas.

3 comentários:

faustino.antao disse...

Buonos dies caro amigo

-Oubrigado por mos cuntemplar cun tan buona música i mos poner tanta anformaçon.

- Pul miu lhado nun fusse assi nun íba alhá

-Un Santo Natal i bun Anho Nuobo para bós i als buossos

Un abraço
Faustino

ACangueiro disse...

Yá oubi mais que ua beç i amerosa la cousa.

Buonas Fiestas,

abraço arrochado,

antonho

Fir disse...

Gustei de oubir, Tortulhas.

Buonas Fiestas i abraço arrochado.