31/12/11

Buôno Anho

2012

Que grande bentaneira a l´antrada
parece que pulhi fuora nun se bei quaije nada
You que cuidaba que se iba abrir ua rodeira lharga
beio ua caleija apertadica, chena de regubiuras

Que penhascal ye aquel ne l sitio de l miu praino?
Qu´amboras me traem ls uolhos de l´ ancerteza?
Que lonjura de rábia me quier assigurar más alhá?

Nó, nun bou por ende, cumo l poeta dezie
Quiero ber l´outro mirar, l´outra alegrie
L feturo reimbentado que you leio, si
Ne l mirar dun nino que joga sien miedo
Al ampeço de l´anho, al ampeço de la bida
Fazendo sou própio camino.

Teresa Almeida 31.12.2011

3 comentários:

Almendra disse...

Guapo!

Que l nuobo anho mos abra ua rodeira lharga para un tiempo de paç, salude i amor.

Bj
Almendra

Teresa Almeida disse...

Oubrigada Almendra.
Salude, paç i amor para ti i Marília.
Bjs

Adelaide Monteiro disse...

Que las regubiuras se fágan mais retas i que mais reta séia la houmanidade.
Salude, paç i respeito para todos.

Un beisico para todos,

Delaide