06/12/11

Refundar l'Ouropa





L Persidente francés, Nicolas Sarkozy, puso-se esta semana al lhado de l’Almanha para çfender “un nuobo tratado ouropeu” que refunde l’Ouropa i reforce l goberno eiquenómico de l’Ounion Ouropeia.

Retrato i testo sacado deiqui

4 comentários:

Ana disse...

Depuis de tan guapos bersos subre l Natal que mos mandou agora Jesé Esteves i testos (antre ls quales un ye buosso, mas quando you dezie que era surrealista !) çtinados a sacralizar l’Eigreija i tamien ls Eibangeilhos (Para que ye que serbírun afinal ? Se calha inda nien sequiera ls listes cumo debe de ser !), benis agora bós fazendo proba de germanofobie i tamien de francofobie... primaira?! Nun achais que este sítio merece melhor ?
I se bos fago estas preguntas ye porque nun me lhemitei na mie bida, you, a ir a Fátima ou a Lourdes, ou até al Naso ou nun sei que outros lhugarzicos de peregrinaçon ende ne l Praino, mas porque yá cheguei (sien que me tubisse custado muito ir alhá : l que ye 250 ou 300 kms quando se trata de ber cousas amportantes i que dan mesmo que pensar ?!) a ir por eisemplo até Oradour-sur-Glane… Quien sabe isso yá ye Leonardo.

Oradour-sur-Glane…

Nun ye San Pedro de la Silba, por acaso !

Almendra disse...

Para deires que nun sós politico!
Cumo dezie Ana, ser fundamentalista nun lhieba a lhado nanhun i dou un eisemplo que fui "Oradour-sur-Glane".
L que se passou alhi deberie ser recordado i bisto por todo mundo, mas cun uolhos de ber i de antender.
La stória nun ten solo un lhado i ua justeficaçon. I an tiempos de aperto naide respeita naide.
Haberie muito que cuntar, mas tenéren prendido un aleman i dezíren que l íban fusilar ó algun haber ambentado esso, lhebou a un de ls maiores massacres de la II Grande Guerra.
Nada justeficaba l massacre i até Rommel nun gustou, mas acunteciu.
Agora deixo ua pergunta:
-Porque será que ls alemans mesmo perdendo las guerras acában siempre por tornar a quedar po riba passado algun tiempo?

Tortulhas disse...

Buonas nuites,
Ah Ana, yá tornestes a "picar", eheheh, i cun l mesmo içco(;)!... agora era solo dá-bos lhinha anté bos cansar... mas you, essas lheiras de "scritos fóbicos" deixo-bos-las solo por buossa cunta, que sodes specialista. Botai-le uns lhatos de auga balientes, para que médren bien!

Ah Almendra, cumigo, de fundamentalismos, cuntai solo para treminar ua Jihad particular a ber se damos cunta de meia duzia de "torradicas" i ua pinguica, que yá ha de ir buona!
Abraço

Ana disse...

Puis you yá staba a cuntar que íbades a sacar outra beç essa de l « içco »... Quando un deixa de tener eideias i tamien eimaginaçon ou nun sabe mais que dezir por falta de argumientos...!

La defrença antre nós (i tamien cun Jesé Almendra, nun ye por nada que somos de la mesma familha cumo podeis ber) ye que bós cuntinais cheno d’eilusones anquanto que nós cuntinamos cun CUMBICÇONES ! Ye esso que inda nun antendistes bien...

Miu primo yá biu i passou quatro na bida del mas bós, puls bistos, inda nun cheguestes a tomar la medida de l que todo esso puode inda representar...

You, mais modestamente (porque nun corrie ls riscos que ele corriu), stou assi i todo marcada por essa cousa que se chama « eimigraçon »... (Mas a bós, todo andica que até bos dá ganas de rir essa cousa cumo tamien outras)

Só que « l’eimigraçon » (que uns inda bíben dentro de la piel), miu Amigo, ye tamien ua de las cunsequéncias de todo l que se passou al lhargo desse seclo XX que mos biu nacer a todos... !

I que quereis inda ? Cumo bós dezis (i para me poner a rir, you tamien agora ? Mas ye que nien esso serie decente!) : « era solo dá-bos lhinha anté bos cansar... »

Se tubíssedes mesmo juízo !!