03/12/11

Buonas-fiestas





Afinal, estes tamien fálan mirandés!

3 comentários:

Almendra disse...

Cameiron,

Gustei deste tou post, eilhes dében de se star a rir de ls politiqueiros.
Mas l post serbiu para ua cousa,cumo andube a azeitunas até meidie, ancuntrei outros cumo you, boubicos segundo dízen ls de la cidade i perguntei-le se nun tenien miedo de pecar por andáren a trabalhar ne l Demingo. Arrespundiu-me un:
You inda fiç un cuntrato cul cura, you iba a missa i el iba apuis outro meidie a ajudar-me apanhar ls mies azeitunas, era ua question de torna jeira, mas el nun aceitou.
Apuis perguntei que le parecie esto de la crise i de tiráren ls subsídios.
Arrespundiu-me outro:
Mas esso de la crise ye culs de la cidade, eiqui nun passamos fame. I ls subsídios son ls de la telbison i ls de la cámara i de l stado que quédan sien eilhes, que gánhan muito. Nós nunca ls tubimos, cumo mos ls ban a tirar.
Eramos diç i solo you ye que quedaba sien subsídio.
Claro que nun gusto destes i tu tamien nó, mira qu'ademirança!

Abraço
Almendra

Tortulhas disse...

Buonas nuites, porsor Almendra,

Carai, bós ye azeituna par'acá, azeituna par'alhá, mas anda que cumbidar para ua torradica ne l lhagar, stá queto!... (;)

Mirai que you de políticas nó, mas de lhagares de azeite sou antandido!

fuorte abraço

Almendra disse...

Ls ricos ténen muito de todo! :)
Pa la sumana yá fago l azeite yá puodes benir a comer la torrada il bino d'astanho yá racha ua fraga.!
Abraço