10/12/11

Mai nun se mexe, mai stá muorta

Stamos an 2011 mas inda aparécen amboras cumo esta (screbida an spanhol i sacada de El País.com) que ancuntrei hai poucas horas ne l sítio que ten por títalo « La Tulha » cun essa mesma eimaige …

Mostrai-la bós tamien…

Anda buono l nuosso mundo ?

Inda nun anda anfeliçmente i ye por esso que a mi nun me dá buntade de rir cumo alguns fázen por bezes, cumo se stubíssen a cuspir pal cielo. Inda porriba quando un ye porsor i que la sociadade até mos paga nó apenas para ansinar quatro lhetras mas tamien para ajudar a fazer cun que este mundo un die nun s’acabe de beç.





Ua mulhier fui assassinada por l tiu deilha ne l andar adonde ls dous morában an Madrid. La bítima, Fátima F., marroquina de 39 anhos, morriu apunhalada, chegou a anformar « Emergencias 112 » i la « Jefatura Superior de Policía ». L crime acunteciu ne l domicílio de l casal, situado ne l númaro seis de la rue Alemania (bairro de la Ventilla de l distrito de Tetuán), adonde s’ancuntrában ls filhos de la bítima, un nino de poucos dies i dues ninas de cinco i seis anhos. Fui ua subrina que çcubriu l cadabre. L home, Alí D., tamien cun 38 anhos i de la mesma nacionalidade, antregou-se a las uito de la nuite ne l comessariado de Tetuán. Nun eisistien denúncias de malos tratos. Cun este crime, chúben a 56 las bítimas mortales de la bioléncia machista an Spanha só neste anho, habendo sido registradas nuobe antre eilhas na « Comunidad » de Madrid - quatro a mais que an 2010 i 2009, i dues a menos que an 2008 -




"Mamá no se mueve, mamá está muerta"

Una mujer ha sido asesinada por su marido en el piso en el que convivían en Madrid. La víctima, Fátima F., marroquí de 39 años, ha muerto apuñalada, ha informado Emergencias 112 y la Jefatura Superior de Policía. El crimen ha ocurrido en el domicilio de la pareja, situado en el número seis de la calle Alemania (barrio de la Ventilla del distrito de Tetuán), donde se encontraban los hijos de la víctima, un recién nacido y dos niñas de cinco y seis años. El cadáver lo ha descubierto una sobrina. El hombre, Alí D., también de 38 años y de la misma nacionalidad, se ha entregado a las ocho de la noche en la comisaría de Tetuán. No existían denuncias de malos tratos. Con este crimen, ascienden a 56 las víctimas mortales de la violencia machista en España en lo que va de año, nueve de ellas en la Comunidad de Madrid -cuatro más que en 2010 y 2009, y dos menos que en 2008-


Notas mies :


1. Tamien hai casos de bioléncia feita por mulhieres contra homes mas ls númaros andícan ua bien mais grande frequéncia de malos tratos feitos por homes subre mulhieres.

2. De todos ls países de l’Ouropa, Pertual ye aquel adonde hai l mais grande númaro de mulhieres que se cháman Fátima sien que eilhas seian oubregatoriamente de relegion muçulmana. Mas l nome « Fátima » de qualquiera maneira ye d’ourige árabe.

3 comentários:

leonardo antao disse...

Buonas nuites Ana Marie,

Depuis destes uito dies de bacanças/bejitas la Mérida, Guadalupe, Trujilho i Bila Biçosa, (sin cumputador) berifico que bós Ana Marie, fustes la maior scritora i cun testos de grande beleza, cumo ye l causo de l “nun pares mais, Abó!” adonde mostrais ser ua grande admiradora de presépios.

Tamien gustei de ls tous trés testos “Quando las oubeilhas de Dius se pónen a cantar”, ambora me parecessen demasiado lhongos i, l segundo (2), cun uas palabrinhas…

Crimes de bioléncia doméstica i/ó passionales, cumo l que apersentales neste testo, de “ua mulhier fui assassinada por l tiu deilha” acuntecen, quaije diariamente an Potugal, l que çcubri i me chocórun quando prestei serbício na GNR, antre 2003 i 2006, pul qu'ajudei a eiquipar esta fuorça de sigurança i defesa culs melhores materiales i eiquipamientos para fazer face a esse tipo de crimes.

De Tetuán tengo mui malas recordaçones, porque ne l die 28 de Agosto de 2008 caí a l'antrada de Tétuan, parti un braço na zona de l'ombro, i tube de ser eibacuado pa l spital de Ceuta, (dues horas a gemer cheinho de delores), porque an Tetuan nun habie nada para me radiografar/ouperar i prestar assisténcia médica.

Son repugnantes la “grande frequéncia de malos tratos feitos por homes subre mulhieres”. Para mi, solo tenemos ua soluçon para estes causos que se puode sintetizar nesta frase:
“la bida debe ser anriquecida cun muitas amisades, porque la maior felicidade ye amar i ser amada”.

Por esso eiqui stou a ambiar-bos un abraço, bien arrochado,
Leonardo

Ana disse...

Buonas tardes, Leonardo

Anton agora, cul cumputador, ye que ban ampeçar nuobas viaiges… Spanha, Pertual, Marrocos… i mais loinge inda… por esse mundo fuora, mesmo que seia birtualmente… l que nien siempre ye negatibo ou tan arriscado cumo un partir un braço ou ua pierna…

Mesmo que tubíssen sido algo lhargos esses testos subre la freira dominicana belga (i nó francesa cumo diç la cantora Giane) que se puso a cantar ne ls anhos sessenta « Dominique, nique , nique », parece-me amportante, inda hoije, nun scunder ciertas realidades que móstran a que punto chega l’eignoráncia de alguns por bezes…

Nun soubo (ou nun quijo ?) la cungregaçon relegiosa a que pertencie la freira anformá-la corretamiente subre l segneficado de la palabra « nique, nique ! » i mais outras cousas que dan tamien que pensar ?!

Até parece mintira !!

An que mundo bibimos, Leonardo ?

Ye por esso que you até an relaçon a l’Eigreija i a las relegiones an giral (Las seitas anton nien se fala !) cunsidero que un tamien ten que saber adonde pon ls pies... a nun ser que aceitemos ser cumo uns cordeiricos...

Un abraço franco-mirandés.

leonardo antao disse...

Buonas nuites Ana Marie,

Eiqui stou la “ampeçar nuobas biaiges”, birtuales, de diálogos cun bós Ana i cun outros que gusten de dialogar cumigo, porque gusto muito de dialogar cun quien steia çpuosto a dialogar cumigo.
Sei que para haber un diálogo fruitífero, tenemos d'aceitarmos tal cumo somos, cun culidades i defeitos, manias, bícios,…i (outelizando las buossas eideias) “nun scunder ciertas rialidades que móstran a que punto chega la nuossa eignoráncia” i “sabermos adonde poner ls pies i la nun aceitarmos ser cumo uns cordeiricos”.
Agradeço-bos este curtico diálogo birtual, que mos ajuda la custruírmos cachicos de la nuossa amisade i de la nuossa feliçdade.

Un arrochado abraço luso-mirandés.
Leonardo