20/12/11

Sodade, sodade...

Nun bou a dezir grande cousa subre Cesária Évora…

Mas quando penso neilha, ben-me lhougo l refran : « Sodade, sodade, dess nha terra São Nicolau… » i la música ritmada mas melancólica, triste até que acumpanha essa cançon.

Chega-me tamien l’eimage deilha a cantar al bibo, çcalça cumo questumaba fazer l mais de las bezes, nun palco an Paris, un anho an que l salon d’Expolangues fui cunsagrado a la lhéngua pertuesa. Fui eilha anton que fui chamada i scolhida na altura cumo ua de las representantes mais amportantes de la lusofonie, na música i na cançon. La sala staba chena de giente i até hoije - hai yá mais de quinze anhos - nunca se me squecírun comentairos feitos, ne l fin de l spetaclo, al lhado dun grande baso cun crabos burmeilhos, por franceses que çcubrien essa cantora pula primeira beç : habien quedado ancantados… i you tamien !

Tamien me lhembro de reportaiges, na telbison, aqui an França…. Eimages de tierras secas i áridas l mais de las bezes adonde nun chube an ciertos sítios i ilhas durante anhos i adonde la bida ye todos ls dies un berdadeiro milagre… cumo tamien finalmente la música i la poesie simpres mas einesquecible que habie na boç i pula cierta tamien ne l coraçon de Cesária Évora…





Quem mostra' bo
Ess caminho longe ?
Quem mostra' bo
Ess caminho longe

Ess caminho
Pa São Tomé

Sodade sodade
Sodade
Dess nha terra Sao Nicolau

Si bô 'screvê' me
'M ta 'screvê be
Si bô 'squecê me
'M ta 'squecê be

Até dia
Qui bô voltá

Sodade sodade
Sodade
Dess nha terra São Nicolau

3 comentários:

Almendra disse...

Bien haias Ana por este cachico tan guapo. Cesária bien l merece.

Un beisico que bien gustarie de dar a ua cantante que tanta beç me fizo chorar de sodade!

Tou primo Zé

Almendra disse...
Este comentário foi removido pelo autor.
Ana disse...

Biba Primo,

Cumo you partilho l buosso sentimento! I sabeis que tube tamien la notícia hoije que yá stában programados i cunfirmados, zde setembro afinal, dous spetaclos que íban a dados por Cesária Évora ne l próssimo més de Junho an Toulouse, aqui acerca de adonde moramos, ne l âmbito dun festibal mui amportante que bai a ser cunsagrado este anho, aqui tamien, a la lusofonie. Assi i todo, ls músicos dessa cantora ban a star presentes i un spetaclo pul menos yá stá finalmente prebisto cumo forma de houmenaige .

I yá agora Primo, aporbeito para bos dezir tamien que cumo esse festibal ye amportante i dura bários dies (ye un de ls maiores que fázen nessa cidade, un de ls maiores tamien ne l sul de la França) nun ye ampossible que inda puodan fazer ato de candidatura para inda fazer parte de la programaçon grupos que steian antressados. Talbeç esso inda seia possible i puoda tamien antressar grupos que eisisten ende ne l cunceilho de Miranda. L nome desse festibal ye : « Rio loco » (cidade : Toulouse, França)

Un abraço para bós todos nestes dies yá tan próssimos agora de l Natal.