L SÉTIMO CHEGOU ESTA NUITE

L sétimo chegou esta nuite

A anunciar la buona nuoba

I you todo cheno de poua

Desse resultado dou pruoba

Bieno la Tresa toda cuntenta

Para mos anunciar l Natal

A darmos la buona nuoba

Chegou nun parto normal

Chegou nun parto normal

Que nun fui preciso cuortar

A sue mai que staba pronta

I aspera deilha chegar

Nina i sue mai, na maternidade

Inda stan a scansar de la biaige

Para depuis ancarar la bida

Cun mais fuorça i mais coraige

Puis coraige tamien ye preciso

I las dues tenen que la tener

Para dar cuonta de las cousas

Que na biba l bai aparecer

La mai para cuidar de la nina

Ne ls púrmeiros tiempos de bida

I la nina quinda nun cunhece

Esta bida tan querida

Por agora ye só mamar

De las tetas de sue mai

Sien de nada se priocupar

Culas cousas que la bida fai

Essas cousas son para nós

Para neilhas arreparar

I dar-le muitos beisicos

Anquanto eilha stá mamar

Deixo-le un beisico bien grande

Deste abó queilha nun cunhece

Mas da-le un beisico bien taludo

Tal i qual cumo eilha merece

José António Esteves