06/12/11

BERSOS DE NATAL PARA BÓS












BERSOS DE NATAL PARA BÓS

Neste Natal nun quiero presente
Quiero algo que mi alma alimente
Que ne l coraçon quede permanente
Son buossos, estes bersos screbidos docemente.

Que mius uolhos cunsemiran alegremente
Durante mais este anho que stubier presente
Quiero buossas amizades eiternamente
Mesmo que bibamos separadamente.

Alguns l mar separa, mas nun la miente
Outros son las stradas anfeliçmente
Neste Natal nun quiero star andifrente
A todos un marabelhoso Natal cordialmente.

Salude i amor para bibier cada dia, plenamente
Ne l próssimo anho quiero star eiqui nuobamente
Lhendo i relendo buossos teistos radiosamente
Porque todo na bida passa tan rapidamente.

Feliç Natal caros poetas i poetizas

José António Esteves
Lar de San Jesé Bumioso






















4 comentários:

"Scacição" disse...

Guapos bersos tiu Antonho!Bun Natal para bós tamien i cuntinuai cun essa inspiraçon que bos faç scribir cousas galanas:)
Bien haiades!

José Esteves disse...

Para ti tamien un bun Natal
À mie guapa Sacaciçon
Cun muito amor i carino
I de todo l coraçon.

Beisicos

José António Esteves

faustino.antao disse...

Stimado amigo

Un bun Natal para bós i to ls buossos an special ls nietos, que son quien nesta temporada dan mais amportáncia a las cousas.

Ah cumo you gusto de l que screbis, bei-se que todo ben bin alhá de drento.

l mais de las bezes quedo sin palabras pa l comentairo

Un abraço
Faustino

faustino.antao disse...

Stimado amigo

Un bun Natal para bós i to ls buossos an special ls nietos, que son quien nesta temporada dan mais amportáncia a las cousas.

Ah cumo you gusto de l que screbis, bei-se que todo ben bin alhá de drento.

l mais de las bezes quedo sin palabras pa l comentairo

Un abraço
Faustino