13/10/10

RESGATE DO PRIMEIRO MINEIRO NO CHILE

.

QUE MELHOR AMBORA QUE ESTA?

.
Para hoije, la melhor ambora para poner cuidamos que ye esta, ua ambora que quedará para la stória de la Houmanidade, cumo ua de las percipales amostras de l que ye l trabalho sério, respunsáble i hounesto, que ye poner ls anteresses de todos arriba de la mesquinheç de ls que cumo las ranas se quíren fazer cumo buis. Este ye l bideo de la retirada de l purmeiro mineiro, de los que durante 69 dies han quedado presos nua mina de ouro i cobre ne l Chile.

.

.

Estas son amboras que debemos aporbeitar, para que todos se déien cunta de que ua sociadade solo puode seguir bien, cun giente respunsáble i hounesta a mandar. L purmeiro mineiro a salir, nien se sabe se era de l Chile. Quien sabe l nome de ls que tratórun de todo esto? Porqui até l que faç menos que la oubrigaçon a que stá oubrigado, se l dan medalhas. I podeis crer que a esses, até esta ambora le custa ler. Mas ye nestes momentos que se debe tener curaige de alertar las cuncéncias.

3 comentários:

ACangueiro disse...

Todas las amboras son amportantes mas uas mais i esta merece todo l çtaque...

saludo,

acangueiro

Ana disse...

Hai que pensar bien, Primo !

Pul eilebador que ls Chilenos cunseguírun anstalar para salbar ls 33 mineiros prisioneiros dessa mina a 700 metros de fundura se bien me lhembro... si passarie tamien sien porblema ua rana... mas un bui : nien pensar !
Neste caso mais bal ser ua rana ou anton i sien eisagerar einutilmente porque la situaçon tamien nun l merece : un home simpresmente, cumo un desses 33 mineiros... nada mais que un home. I yá nun ye mal !

Unknown disse...

Tenes rezon, prima Ana!

Hai miesmo que pensar, mas hai muita giente que pensa que ten l rei na barriga, que todo manda. Mas todo ten un fin i a las bezes mais debrebe que se pensa.
Que liçon tan linda mos dou l mineiro que al salir, solo pediu para nun l tratáren cumo artista de cinema ou pessona amportante, porque l que el gustarie era que l tratássen cumo mineiro i nada mais.
Leio todo l que scribes i cun gusto. Cuntina a ser assi.

Bjs

Tou primo Zé