28/10/10

Publicaçon de ls lhibricos














L salimiento de l miu lhibicos juntamiente cun mais quatro libricos de mulhieres, todas eilhas mirandesas, fui l die 25/10/2010. La publicaçon coletiba de ls cinco libricos bai ser an Lisboua, cun data a marcar pula eiditora.
Lucrécia ye ua mocica que cunta las sues lembráncias de pequeinha bibidas ne ls anhos sessenta, de l seclo passado, passadas na sue tierra, que ye Zenízio. Todas eilhas retratan l’alma de un pobo houmilde, cun sabedorie chena de mimórias.
Este librico mostra cumo era l sou mundo, eigual a todos ls garoticos i garoticas, mirandeses, daqueilhes tiempos. Lucrécia deixa eiqui huomenaige aqueilhas gientes, que la biu crecer, lhuitando pula subrebibéncia, cun ua bida mi dura, mas siempre cun gana de caminar an frente.
Esta ye la stória de un pobo que s’antendie bien falando la lhéngua mirandesa, ardança de ls sous antrepassados, que tenemos l deber de la preserbar i dibulgar.

Alcina Pires, 28-10-10

2 comentários:

leonardo antao disse...

Buonas nuites Alcina:

Ye guapo ber mais un lhibro de lhéngua mirandesa de ua associadas de la nuossa Associaçon Nial de la Boubielha, que muito cuntribui pa la cuncretizaçon de l grande oubjetibo de la Associaçon “de manter biba la lhéngua Mirandesa.

Este lhibros, assi cumo l de Faustino, cuntribuei i l de Adelaide cuntribuen seneficatibamente pal prestígio i cumprimiento de la misson de la Associaçon i, por esso, sodes credores de grande stima i cunsidraçon de todos ls associados.

De l fondo de l coraçon, un mui oubrigado a Alcina i a todos ls que participórun na formaçon i na elaboraçon deste lhibro.
Leonardo

franciscobelharino disse...

Buonas tardes Alcina,

Parabienes i cá quedo a spera de ler essas cuontas de tie Angrácia.
Un abraço grande,
Francisco