27/10/10

"Léngua Mirandesa anternacionaliza-se"

Hai yá cousa dun més que nun me ten sido possible ber ls artigos que ls blogistas de "Frores Mirandesas" ten scrito i nel publicado. Hoije arranjei un ratico de tiempo i pusme a ler ls artigos qu'inda nun habie lido. La cierta altura bi l títalo de l librico que yá me era fameliar "Filico i l nobielho" i li l cunteudo scrito na mensaige de l nuosso amigo António Cangueiro fazendo referencia aquel eibento fazendo tamien refréncia al grupo de Pauliteiros que fazirun de las tripas coraçon para nun faltar cul cuntributo para qu'aquel antercámbio scolar anternacional fusse tamien mensageiro de ls questumes, tradiçones i cultura Mirandesa. Para cumpor la cousa un pouquito mais, juntando este miu escrito a la mensaige deixada por António, bou deixar eiqui, an purmeira mano alguns bídeos de la nuossa alegrie, de la nuossa simplicidade, anfin, de ls nuossos gaiteiros i pauliteiros.

2 comentários:

AF disse...

Caro amigo Zé Ventura,

Un abraço arrochado para todo mundo.
Bien háiades por haber puostos ls bídeos. Gustei de ber.

Amadeu

ACangueiro disse...

Carai, Tiu Bentura: cumo esto queda bien!
Quando you fizo l testo ainda preguentei mas naide me arranjou fotografies i nun sabie que bós tenieis sacado stes filmes, puis bós tamien stabades a dançar mas stá mui buono.
Mais ua beç, l miu siempre bien háiades, a bós i todo l grupo, pois you sei l defícil que fui poderdes presentearmos cun la buossa presença.

António Cangueiro