11/10/10

Para quien soubo mui bien fazer l’apologie de Salazar…





1. Jornal Nordeste, Eidiçon de 5 de Outubre de 2010, títalo an purmeira página desse jornal cun retrato i bandeira de Pertual: « Câmara de Bragança atribui o nome de Adriano Moreira ao Centro Cultural Municipal (Cámara de Bergáncia atribui l nome de Adriano Moreira al Centro Cultural Municipal )» !!!

Hai que refrescar anton la mimória de alguns, esses que yá todo squecírun !

2. Artigo sacado de l seguinte blog :
http://santosdacasa.weblog.com.pt/arquivo/2005/07/salazar_visto_p.html

Salazar bisto por Adriano Moreira (Aqui bai un cacho desse artigo tamien publicado an 1977 ; Salazar morriu-se an Julho de 1970)

«Un de ls purmeiros testemunhos prestados subre la pessona i la obra de Salazar, nas sumanas que se seguírun a la sue morte, fui l de l prof. Adriano Moreira, an artigo publicado ne l Diário de Moçambique, da cidade de la Beira, an 2 de Agosto. Ye esse l testo que a seguir se bai a ler i cuja ouportunidade —anfelizmente para todos nós —l tiempo decorrido tornou inda mais grande:

[...] L Ultramar fui la redadeira de las sues mais grandes preacupaçones. Cumo se, al crecer an anhos i diminuir an bida, quejisse guardar todas las einergies para sublinhar l’eisséncia de las cousas. Todos ls cuidados pa la trabe mestra. Dolendo-se por cada moço sacreficado. Rezando, i sperando que l sacrifício fusse atendido i recumpensado. De zinolhos delantre Dius i de pie delantre ls homes. Houmilde cul sou pobo, ourgulhoso delantre l mundo.
Assi bibiu, acertando ou cun erros, mas siempre outéntico. Cun percípios. L único remédio coincido contra la corrupçon de l poder. I mui percipalmente quando se trata dun poder carismático, cumo era l sou caso. Un desses homes ralos que la fadiga de la propaganda nun cunsegue multiplicar.

Adriano Moreira
In A Rua, n.º 56, 28.04.1977, pág. 14.

______________
Comentário publicado por FG Santos, nesse mesmo blog, an Julho de 2005:

Esta bison poética i ternurenta, quaije doce i angélica de l home Salazar ye tan peligrosa cumo l'eignoráncia de l mal (muito) que fizo a todos nós. Nien ye perciso pensar ne ls presos políticos ou ls filhos de Pertual que perdírun la mocidade nas quelónias muortos i stropiados para serbiren un suonho d'ampério que fui un pesadelo. L home Salazar tenerie cumprido melhor la sue mission se tubisse morrido cun 19 anhos an qualquiera pántano de la Guiné a chorar pula mai que l recebiu als cachos nun caixon cun arena para fazer l peso de l cuorpo que nun benie alhá. Ua tristeza salazarenta qu'atormenta la cuncéncia de todos.

An pertués:
«Um dos primeiros testemunhos prestados sobre a pessoa e a obra de Salazar, nas semanas que se seguiram à sua morte, foi o do prof. Adriano Moreira, em artigo publicado no Diário de Moçambique, da cidade da Beira, em 2 de Agosto. É esse o texto que a seguir se vai ler e cuja oportunidade — infelizmente para todos nós — o tempo decorrido tornou ainda maior:

[...] O Ultramar foi a última das suas preocupações maiores. Como se, ao crescer em anos e diminuir em vida, quisesse guardar todas as energias para sublinhar a essência das coisas. Todos os cuidados para a trave mestra. Doendo-se por cada jovem sacrificado. Rezando, e esperando que o sacrifício fosse atendido e recompensado. De joelhos perante Deus e de pé diante dos homens. Humilde com o seu povo, orgulhoso perante o mundo.
Assim viveu, acertando ou com erros, mas sempre autêntico. Com princípios. O único remédio conhecido contra a corrupção do poder. E muito principalmente quando se trata de um poder carismático, como era o seu caso. Um desses homens raros que a fadiga da propaganda não consegue multiplicar.

Adriano Moreira
In A Rua, n.º 56, 28.04.1977, pág. 14.
_____________________________
Comentário publicado por FG Santos, Julho de 2005, nesse mesmo site :

Esta visão poética e ternurenta, quase doce e angélica do homem Salazar é tão perigosa como a ignorância do mal (muito) que fez a todos nós. Nem é preciso pensar nos presos políticos ou os filhos de Portugal que perderam a juventude nas colónias mortos e estropiados para servirem um sonho de império que foi um pesadelo. O homem Salazar teria cumprido melhor a sua missão se tivesse morrido com 19 anos em qualquer pântano da Guiné a chorar pela mãe que o recebeu aos bocados num caixão com areia para fazer o peso do corpo que não vinha lá. Um tristeza salazarenta que atormenta a consciência de todos.

Nota mie agora:
Cumo todos sabeis, l tal porsor Adriano Moreira que la Cámara de Bergáncia quijo honrar nestes dies (Fazie grande falta pula cierta!) , oucupou antre outros cargos durante l Stado Nuobo l de ministro de l Ultramar de 1961 a 1963. Fui quando ampeçou precisamente la guerra nas quelónias pertuesas. Tristes recordaçones todas estas ! I dezir que haberá agora un Centro Cultural bien acerca de la Tierra de Miranda para mos alhembrar a todos i a cada beç que furmos alhá que houbo quien nun scundisse muita simpatie por un tal ditador de quien Fernando Pessoa yá an 1935 (l anho an que se morriu) chegou a fazer un retrato bien defrente:
"Salazar est en effet hypocrite... il est minutieux mais il n'est pas subtil... il a de l'astuce mais pas de diplomatie; n'ayant ni charme ni souplesse, il est incapable de captation directe ou indirecte... Intelligent sans souplesse, religieux sans spiritualité, ascète sans misticisme, cet homme est bien le produit d'une fusion d'étroitesses...."
(Rebista Europe, juin-juillet 1988, n° 710, p. 49 / Rebista Colóquio, Fund. C. Gulbenkian, n° 100, nob-dez 1987 )
N.B. Çulpai mas por anquanto l testo solo l tengo an francés mas claro que tamien balerá la pena poné-lo tamien aqui an pertués i an mirandés !


Bá! Biba Bergáncia que sabe scolher ls sous grandes homes !

Para meditar !!!!

11 comentários:

Fir disse...

Buonas nuites, Ana.

Tamien me parece mui triste que alguien querga angrandecer esta triste personaige que ye Adriano Moreira, menistro de Salazar i un de ls fundadores de l CDS.

Anfeliçmente, assiste-se hoije a ua tantatiba de branqueamiento daqueilho que foi l regime de Salazar, un regime de que inda hoije sofremos las cunsequéncias.

Aporbeito para bos agradecer l testo subre Aristides de Sousa Mendes. Esse sí merecie un Centro Cultural cul sou nome.

Abraço,
F.

Tiégui disse...

Arrediosla ! You nun habie biên antendidu la storia essa. Anton fui agora, ultimamiênte que se dou'l nome ?

Hmmm... la cambra nun ten juizu ! Pudiên l'habé dadu'l nome d'un de la tiêrra, cume l'Abade Baçal ou... you que sei pudiên l'habé chamadu Leite de Vasconcelos, ya que tamiên hai ua ruga an Bregancia cul nome...

Vaya, vaya...

Ana disse...
Este comentário foi removido pelo autor.
Ana disse...

Mui buonas tardes, FIR !

Sabeis que stou mesmo cuntenta por bos ber por acá outra beç. Há que tiempos que nun dábades notícias !

An relaçon a la scuolha de l nome desse tiu para l Centro Cultural Municipal i contra todas las formas de BRANQUEAMENTO DE L SALAZARISMO, un nun puode quedar sien fazer nada! Que mundo ye que deixariemos als nuossos filhos!

A mi tamien me custa acraditar que essas cousas inda acuntécen an 2010i hai de certeza quien steia só a la spera que baixemos todos ls braços.

Nun sei l que yá chegou a ser feito, percipalmente an Bergáncia, para reagir contra esse tiu i todos ls que stan al lhado del, mas parece-me urgente dezir claramiente que l tiu esse nun merece de forma algua que l nome del seia dado A QUALQUIERA EIDIFICIO PUBLICO.

Quanto al nome que puode ser dado, THIEGUI... Só querie saber se la populaçon de Bergáncia fui minimamente i tamien corretamente cunsultada. Se l nome fui ampuosto sien grande diálogo i cuncertaçon bastante, anton mius Amigos.... !

An tiempos de crise cumo ls que stamos a passar, tiempos an que mos oubrígan a apertar cada beç mais l cinto i a nun abrir muito la boca (an França tamien!), se hai giente que debe cuontas (porque nun respeita la democracie i la justícia), yá sabemos quien ye que puode pagar !

Era buono que ls que stán al par de la Cunstituiçon fússen tamien a ber i oubserbar por eisemplo l que se passa ende... an Bergáncia !

De certeza que inda bamos a screbir aqui bien cousas a respeito de ls nuossos dreitos cumo cidadanos, i cidadanos lhibres!, nesse paiç que ye Pertual !

Tiégui disse...

Cun certeza que fui'l cunseillu de la Cambra que sculliu'l nome.

Fir disse...

Buonas nuites Ana.

Tengo andado cun pouco tiempo lhibre i ye por esso que nun tengo dado muitas amboras. Mas tengo lido todos ls testos que son publicados ne l froles.

Teneis rezon, nun podemos baixar ls braços perante l branqueamento de la Stória nin contra las anjusticias que mos ban amponendo.

Abraço,
Fir

Ana disse...

Buonas tardes, Tiégui

Se fui la cambra de Bergáncia que scolhiu ou aceitou que l nome desse antigo menistro de Salazar fusse dado para un centro cultural nessa cidade, anton hai que dezir que ye ua bergonha ! Giente anculta que nun daprendiu nada culs ansinamientos que mos dá la Stória !

I ye perciso saber que até l atual Persidente de la República i la tie del l fúrun a einougurar l Centro Cultural esse !

Bai haber eileiçones an Pertual i nun bai a tardar. Que paíç ye que quieren ls Pertueses ?

(You sbribo todo esto a pensar tamien ne l que stamos a bibir nestes dies an França)

Ana disse...
Este comentário foi removido pelo autor.
Ana disse...

Buonas tardes, Fir,

Quiero dezir-le que quedo tamien agradablemente surprendida i mui cuntenta por ber que scribe agora tamien ls sous comentairos an mirandés i nun mirandés que a mi me parece purfeito.

Tamien a mi me falta l tiempo mas cumo diç l Poeta...

Todo bal la pena se l'alma nun ye pequeinha !

Ana Maria

Tiégui disse...

Buonas nuites !

Anté me straña que Firmin nun mus ten eiqui faladu de José Hermano Saraiva...

Aquesse home ye mui cuinecidu an Purtual. Fai un purgrama na RTP 2 que veyu, ou mellor que vie quandu staba nal Portu y que se chama "A Alma e a Gente". Ye un purgrama purreiru que fala de storia.

Todu guapu, no ? La unica cousa feya ye qu'aquesse home fui menistru de l'eiducaçon durante'l tiêmpu dal Stadu Nuôvu. Pus si... fui un de lus que mandava bater nals deds dals mirandéses para que daprenden.

Mas toda la gente gusta d'él... anté you ! Purque an fin, él anté diç cousas antersantes, anton no ?

Y yê un home que se vei todas las sumanas na RTP 2. Agora qu'ua bibiotéca tenga'l nome d'un menistru de Salazar... cousa nurmal, no ? S'até un menistru d'él passa na tervizon, cume yê qu'outru nun a de tené'l sou nome dadu a ua bibiotéca...

Ana dezie qu'an Sandin habie quiên falaba biên de Salazar. You tamiên ya houbie issu, na boca d'antigus GeNeRalistas...

Fir disse...

Buonas nuites Ana. Agradeço-bos las buossas palabras, se bien que nun las mereço totalmente. An parte, dou menos erros an mirandés, por causa de l corretor ourtográfico de l nuosso amigo Sacalhabrés. Quando screbo an papel, inda dou uns quantos erros. Mas ye berdade que - mal serie se nó - tengo daprendido algue cousa.

Buonas nuites Tiégui. You nun gusto de Jesé Hermano Saraiva, nin pul sou passado nin pul sou persente.

Un abraço,
Fir