Fazendo tou çtino...

An nuites sien lhunar
nien streilhas
caminas
cun miedo de l scuro.
Assí i todo sigues,
yá que l miedo
chama l miedo i,
quanto más deixamos nacer
mais el medra.
Mas tornar para trás
nien siempre
ye perder l tiempo...
Tuntarie ye achar
que nunca se debe bolber...
Seguindo,
sigues cun la çprança
que haba pastoricas
a la borda de l camino
cun sous fachucos acesos
a dar lhuç als uolhos
i, sien miedo
bás caminando...