You pari un filho

You pari un filho
Nun Maio qualquiera
An qualquiera die
Neste paiç
Que you nien coincie!

You pari un filho
I nien pude boziar
Porque inda mal parido
Fui a trabalhar.

You pari un filho
I naide sabie
Que esse filho
Tenie que mamar.

You pari un filho
I esse filho mamaba
La teta salida
De ua senara...

Scaldaba l lheite
L pouco que daba
I naide sabie
L que l filho mamaba.

Até que houbo un Maio
An que pude boziar
L que quando pari
Tube que calhar...

Boziei de bitória
Boziei alegremente
You pari un filho
Un filho que ye giente!