10/05/10

Stórias Berdadeiras



1. Nua squadra de Polícia an Goa, zaparecírun binte i quatro quilos de haxixe. Ls agentes respunsables pula droga ancuntrórun rapidamente ua splicaçon: las formigas roubórun-la. Ls agentes fúrun porcessados i stá a decorrer ua ambestigaçon para aberiguar aqueilho que se passou.

2. An Lisboua, un senhor chamado Domingos Névoa atentou subornar un bereador de la Cámara Munecipal para obtener fabores. L bereador denunciou l caso. Purmeira decison de l tribunal: l corruto foi cundenado a ua multa de cinco mil ouros. Segunda decison de l tribunal: l adbogado de l bereador foi cundenado a ua multa de deç mil ouros, por haber chamado corruto a Domingos Névoa. Terceira decison de l tribunal: afinal, l corruto yá nun ten de pagar ls cinco mil ouros, porque atentou corrumper un bereador sin poderes para fazer aqueilho que le yera pedido.

Tanto la purmeira stória cumo la segunda son berdadeiras. Desso, nun tengo grandes dúbedas. Aqueilho que nun cunsigo decidir ye: qual destas berdades ye mais stúpida?

1 comentário:

Adelaide Monteiro disse...

Hai cousas que un nun ye capaç de angulhir por muito que las masçque. Ye assi un modo de mos tenéren por tontos, Furmino...
Nien dá para comentar...
Bai screbindo que siempre se ban amentando an mirandés.

Bs

Delaide