22/05/10

REGINA QUINTANILHA

.

.
Regina da Glória Pinto de Magalhães Quintanilha de Sousa e Vasconcelos (1893-1967) fui la purmeira mulhier a studar Dreito até al fin, na Ounibersidade de Coimbra i fui la purmeira Abogada Pertuesa i Eibérica de la modernidade. Naciu a 9 de Maio de 1893, filha de Francisco António Fernandes Quintanilha, decendente de ua rica familhia de Miranda de l Douro, i de Josefa Ernestina Pinto de Magalhães.
Regina naciu i fui eiducada nun meio social eilebado. Pul lado de l pai pertenecie als Quintanilhas, antiga i rica famílhia strasmuntana. La mai, la scritora Josefa Quintanilha, de nome Pinto de Magalhães, famílhia que se dezie decendente dun de ls mais eilustres strasmuntanos de siempre, l grande nabegador Fernão de Magalhães.
Studou en Bragança, até als 16 anhos (tenendo-se notablizado na música i tenendo chegado mais tarde a ser aluna de Viana da Mota). Solo nesta altura bai pal Porto, adonde acaba l secundário, ls sesto i sétimo anhos de l liceu. Cun solo 17 anhos, Regina Quintanilha piede la sue matrícula na Faculdade de Dreito de Coimbra, a 6 de Setembre de 1910 i ne l dia 24 de Outubre entra na Ounibersidade.
Acabou l curso en trés anhos i en 1913, cun solo 20 anhos, fui cumbidada para reitora de l Liceu Feminino de Coimbra. Recusou, por ambicionar ua carreira que l Código Civil Português de 1867 nun permitie a las mulhieres, l'eisercício de abogada. Mesmo assi i todo, a 14 de Nobembre de 1913, Regina Quintanilha recibe la outrizaçon de l Persidente de l Supremo Tribunal de Justiçia para abogar, sendo esse l die an que bestiu la toga de ls abogados ne l Tribunal de la Boa-Hora, an Lisboa. An Pertual, fui tamien, mais ua beç, la purmeira mulher, a ser Conserbadora de l Registo Predial i Notaria.
Ye amportante dezir que ne ls últimos anhos de la Monarquie i ne ls anhos de la I República nun era uso haber mulhieres a studar en Coimbra, mesmo nas classes mais altas, i a eisercer un oufício liberal. Solo en 1890 las moças son outrizadas a studar ne ls liceus públicos i solo 16 anhos apuis ye criado l purmeiro liceu femenino. En 1910, la scolaridade oubrigatória yera de ls 7 als 11 anhos. Para las mulhieres, staba normalmente çtinada ua anstruçon eilementar, nun les sendo pedido mais de que las funçones de mulhier i de mai. Las mentalidades de la sociadade pertuesa dessa altura nun stában porparadas para dar a las mulhieres ouficios liberales.
Regina Quintanilha parte para l Brasil, adonde colabora na reforma de la Lei brasileira. Stablece scritórios ne l Rio de Janeiro, mais tarde en Nova Iorque. Anhos mais tarde, torna para Pertual, adonde fui abogada de bárias ampresas francesas. Muorre en Lisboa, na sue casa de la rue Castilho, nº 35, a 19 de Marçio de 1967.
.
- Dicionário dos mais Ilustres Transmontanos e Alto-Durienses - Barroso da Fonte
- “Operarias e Burguesas” de Alice Samara ( a publicar em breve )
- Regina Quintanilha – a primeira caloira de Direito, de António Gomes Ferreira

3 comentários:

Adelaide Monteiro disse...

Ua biografia mui anteressante que nun coincie.
Baliente Stamuntana Mirandesa.
Bien haias Almendra.

Bs,

A.

Luisa Paiva Boléo disse...

Não sou mirandesa e por isso escrevo em português.
Tenho dúvidas quanto ao apelido Quintam«nilha. Regina terá acrescentado ao seu nome Fernandes o nome da terra onde o pai nasceu - Quintanilha. Pode-me dizer se é certo.
Obrigada

José Quintanilha Mantas disse...

Regina filha de Francisco antonio fernandes, da aldeia de quintanilha e de Josefa Ernestina pinto de magalhães, do Porto.
neta paterna de João fernandes, orfão de pai, e mae, regina fernandes, naturais da aldeia de Quintanilha.
neta materna de Adriano pinto de magalhães e maria de jesus teixeira, da aldeia de Adganha, concelho de Moncorvo.
Padrinho por procuração do comendador Francisco antonio Pires.