03/05/10

Roncos do Diabo

Nieto de Caçareilhos ajuda a criar Banda de Gaitas "RONCOS DO DIABO", cun gaitas i repertório musical d'ourige mirandesa, stá a ser mui bien aceite ne l Paíç i para alhá frunteiras, catibando cada beç mais simpatizantes ne ls cuncertos qu'eiqui i para alhá ban fazendo. Nun querendo de forma algua menospresar outros grupos de l género que dibulgan la cultura mirandesa, este, ambora lhoinge de la region de Miranda, residentes na ária de la grande Lhisboua/Almada, por adonde ten passado tentan dexar la mensaige a todos quantos bénen ls sous cuncertos de que la region de las gaitas qu'eilhes tocan ye-les particulamente querida i cumbidan sous fanas la bejitáren essa region ímpar i tan guapa que ye l Praino Mirandés. Este blog, nun podie deixar de dar ls parabienes l'esta banda de gaitas, dibulgar las sues músicas i dibulgar também las sues gaitas!...Por este fato bamos poner eiqui alguns bídios. Fuorça Bitor, Mário, Tiago, André i João p'rá frente ye que ye l camino!



2 comentários:

leonardo antao disse...
Este comentário foi removido pelo autor.
leonardo antao disse...

Amigo José Ventura,

L tou filho João stá a quedar un mestre de la Gaita.

Parabienes a todos ls eilemientos deste grupo, que me pareçan ser uns buonos ambaixadores de la nuossa cultura musical mirandesa.

Parabienes por esta einiciatiba de criaçon de la Banda de Gaitas "RONCOS DO DIABO" que ye eicelente pa la afirmaçon de la eidentidade musical mirandesa, i para mantenermos bibo l nuosso maior patrimonho, la lhéngua mirandesa.

Cuntinua la dibulgaçon de las sues músicas, de las sues gaitas i, an special, de ls dies i locales onde nós ls podemos ber i oubir a tocar.

Un abraço,
Leonardo