14/05/10

Fazendo tou çtino...



An nuites sien lhunar
nien streilhas

caminas
cun miedo de l scuro.
Assí i todo sigues,
yá que l miedo
chama l miedo i,
quanto más deixamos nacer
mais el medra.
Mas tornar para trás
nien siempre
ye perder l tiempo...
Tuntarie ye achar
que nunca se debe bolber...
Seguindo,
sigues cun la çprança
que haba pastoricas
a la borda de l camino
cun sous fachucos acesos
a dar lhuç als uolhos
i, sien miedo

bás caminando...





2 comentários:

ACangueiro disse...

L caminado ye trabe de amparo cun pastoricas ou sien eilhas tu ye que eiluminas l feturo.

bjs

ac

Adelaide Monteiro disse...

La sprança de ancuntrarmos lhuç dámos siempre fuorça para caminar ne l scuro.
Bs

Delaide