17/05/10

TURISMO

.
TURISTAR
.
Que melhor sitio para fazer turismo que l nuosso termo? Muitas bezes gasta-se denheiro para ir por ende a turistar i squecemos que mesmo por baixo de l nuosso nariç hai cousas tan guapas. Mesmo ls que eiqui nacírun nien míran pals lados ou nun se dan cunta de la beleza de las nuossas tierras.
.




.
.
Yá habiemos passado muitas bezes por este sitio, mas la máquina de ls retratos parecie que nun querie ir, até que hoije chegou la hora de tirar estes retratos para bos ancantar. Ye mesmo a la borda de la strada que bai de Sendin para Mogadouro un pouco a seguir a Brunhosinho, na reta a la mano dreita hai este jardin, naide l sembrou ou tratou, la natureza ye que l fizo.
.

.

..
Quantos de ls que stais na cidade nunca bos destes al cuidado de benir an tiempo de Primabera? Nós mesmos a cada die que passa bamos ancuntrando cousas nuobas i quantas bezes damos cun nós a pensar que dues bidas nun chegaríen para ber todos ls ancantos de l Praino.
.

..
Tanta i tan guapas froles! I l cielo a rir…

2 comentários:

Adelaide Monteiro disse...

Guapíssemo!!!
Parece ua floreira feita d´apeto.
Bai-mos lhabando ls uolhos cun essas belezas.

Bs

franciscobelharino disse...

Buonos dies Almendra,

Cumo dizes l Praino neste tiempo ye mui guapo. Quien nunca stubo ende pensa que las flores nas baletas son floreiras. Oubrigado por mos trazeres este cahico guapo de l Praino.

Un abraço,
Francisco