13/11/10

Giente pobre : hai quien inda mos querga roubar !


Li esta ambora que saliu na sumana atrasada na secçon « Cultura » de l Jornal Nordeste (jornal qu’inda nun cunheço bien mas que me cumbence cun este tipo d’ambora que un puode cuntinar a lé-lo)… ambora esta que bal la pena ser eiditada tamien aqui para nós la comentarmos sien ningun stado d’alma subretodo nestes tiempos que son de crise i de sacrefícios para muitos i an muitos países até ls mais zambuolbidos.


" Livro de Adriano Moreira custou 55 mil euros

Só para colocar 500 exemplares no mercado livreiro, a autarquia gastou cerca de 9 mil euros

A Câmara Municipal de Bragança (CMB) gastou 54.404,90 euros para publicar o livro “Adriano Moreira – Biblioteca em Bragança”, apresentado no âmbito das comemorações do 5 de Outubro.
Na altura, o presidente da CMB, Jorge Nunes, não quis revelar os valores envolvidos na edição da obra, mas o Jornal NORDESTE está em condições de avançar os números. Para a concepção dos conteúdos, o município investiu 26.400 euros, mais 19.250,90 para a execução gráfica de mil exemplares, aos quais acrescem 8.750 euros para a distribuição no mercado livreiro de 500 volumes.
Ao todo, a autarquia gastou perto de 55 mil euros para lançar esta publicação, que considera “de interesse para a História do Município”. Para a CMB, trata-se de uma “referência municipal, com uma concepção de conteúdos e execução gráfica de elevada qualidade”, cujo preço de venda ao público será de aproximadamente 35 euros.
A par do livro dedicado a Adriano Moreira, a autarquia também adjudicou a distribuição de 300 exemplares da obra “Bragança Marca a História - A História Marca Bragança” às edições Almedina, que vão cobrar 4.500 euros por este serviço. Contas feitas, a CMB vai desembolsar 13.250 euros só para colocar estas duas obras no mercado livreiro.
Recorde-se que o livro sobre a vida e obra de Adriano Moreira é composto por 612 páginas, que compilam a biografia, as obras e os textos publicados, as condecorações, a documentação fotográfica e o catálogo dos livros que fazem parte do acervo doado pelo professor a Bragança.

Por: Teresa Batista "

Comentairo :

Ye surprendente esta ambora mas tamien mui antressante ! Depuis de habéren yá aceitado dar (puls bistos) l nome dun antigo menistro de Salazar a ua biblioteca an Bergáncia, capital de destrito, i de habéren tamien retratado l home nesse mesmo jornal Nordeste (antre outros), para falar nel, delantre dua mui patriótica bandeira de Pertual, só agora ye que you por eisemplo çcubro nesse mesmo jornal (mas inda bien que esso acuntece !) todos estes dados, eilementos i anformaçones subre l custo dun lhibro de mais de 600 páginas de « execução gráfica de elevada qualidade » çtinado (nun puode ser outra cousa !) a promober l home esse… mas Giente, cumo ? senó cul denheiro público (l buosso, l nuosso, l denheiro ganho por nós todos) sien que esse tipo de decison tenga probablemente sido debatido cumo eisigirie que fusse, subretodo nestes tiempos de crise an que na grande maiorie (nós ls eimigrantes tamien !) somos oubrigados a fazer grandes sacrefícios todos ls dies… para mui certamente inda dar a ganhar a alguns que nun son aqueilhes que mais precísan… cumo esse Adriano Moreira que fui i talbeç inda seia (i nun hai que squecer ou tener miedo de l dezir !) un apologista de Salazar cumo yá cheguei a dezir aqui mesmo neste site i noutros se fur preciso.

Anton bamos a ber !
L home dá uns quantos lhibros (Resta a saber tamien que lhibros! Lhibros para quei i subre quei ?... para cuntinar a fazer mais ou menos direta ou andiretamente l’apologie de Salazar i de outros salazaristas que inda hai por ende ?)… Ye esso anton que mos debe tapar ls uolhos i mos lhebar a pensar que l home ye dua generosidade eisemplar ? Talbeç, na realidade, nun passe esso todo dua manipulaçon (mais ua cumo houbo muitas ne l tiempo de la Ditadura precisamente)… la proba eibidente ye que só depuis ye que l cidadano (anton nun hai quien mos tente anganhar ?) acaba por saber l que custou afinal de cuontas a cada un (para esso purparai un bun monton de euros !) para andar a promober giente que an tiempos nun fizo outra cousa senó arruinar l paíç (mas para que uns anchíssen bien ls bolsos i cumo eilhes querien !), deixando muitos, la grande maiorie, a morrer de fame i de falta de todo… subretodo de justiça, de democracie i d'anstruçon.

Acabo aqui porque you para ganhar l que como nun ando a la spera de Cámaras para me anchir ls bolsos al custo de toda ua populaçon mas inda quiero dezir assi i todo que por spriéncia yá que you tamien trabalho nua biblioteca adonde todos ls dies compramos lhibros, jornales i rebistas, sei bien que cun 54.404,90 euros bien lhibros se puoden comprar ! I cun esses lhibros yá se fazie ua buona biblioteca cun títulos i obras que serien scolhidos nó por un andibíduo solo (fusse el quien fusse !) i segundo critérios subjetibos demais i até partidairos ou arbitrairos mas de maneira coletiba i subretodo democrática, eisigente ne l que diç respeito a la necessidade de saber cumo gastar de maneira la mais justa possible l denheiro que ye (nun hai que squecer de l dezir tamien) l fruito de l trabalho muitas bezes duro de ls cidadanos dua cidade, dun destrito, dun paíç.

I inda digo mais !
Un lhibro (de mais de 600 páginas !) subre la bida i la obra de alguien inda an bida que nun ye nien reconhecido nien celebrado de maneira ounánime ou sien falha nien an Pertual nien ne l Strangeiro, l que ye que esso inda quier dezir ? Cousas buonas ? Ua cousa parece clara : ye deficele nun acraditar que l home ye tamien na realidade un eigocéntrico, talbeç até un eigocéntrico primairo, mas talbeç tamien un ouportunista para nun dezir mais !
I agora que pense bien la populaçon de Bergáncia i saba scolher quien debe de ser eileito para tomar las melhores decisones. I las melhores só puoden ser aqueilhas que son las mais democráticas i nó l resultado dun solo andibíduo.

9 comentários:

Adelaide Monteiro disse...

Ana,


Ye assi que l deneiro público ye gasto a la fartazana.
Bien caro queda l lhibro esse, nó quanto a mi, por haber sido l outor menistro de Salazar, mas porque na berdade ye muito denheiro por 1000 libros, salido de l bolso de todos nós.
Nun me choca a mi que el houbíra sido apoiante de Salazar. La capacidade de mudança ye ua birtude de l ser houmano i inda bien que las pessonas ténen essa capacidade para refletir i mudar, assi cumo la capacidade para tolerar.
L que a mi me antressa ye l que las pessonas son i nó l que fúrun.
L que a mi me xócan son aqueilhes que sáltan duns lhados para outros i bán i tornan, cunsante ls anteresses andebiduales.
Ls denheiros públicos andan mui mal i apuis ls trabalhadores ye que tápan ls buracos de l défece.
I porqui me quedo, Ana.
Cuntina rebolucionando que fai talta abanar nun paíç an que parece que se anda drumiente...

Beisicos,

Delaide

Adelaide Monteiro disse...
Este comentário foi removido pelo autor.
Adelaide Monteiro disse...

digo, xoca, an beç de xócan.

Ana disse...

Buonas nuites, Adelaide,

Gustei de ler la buossa oupenion i até cheguei a preguntar-me: será que fui sebera demais an relaçon a esse ex-ministro de l tiempo de Salazar que ten agora l sou nome anscrito nua biblioteca municipal... un nome para que seia bisto, lhembrado i até celebrado por muita giente ?

Talbeç nien tanto i haba até rezones para l fazer.

Agora ua cousa ye cierta: que esse ex-dirigente desse partido que ye l CDS assi cumo l atual Persidente de la Cámara de Bergáncia mos splíquen cumo ye que an tiempos de crise cumo ls que stamos a bibir agora ye possible ou se ye normal gastar tanto denheiro (i denheiro público cumo deixa a antender l artigo de l jornal Nordeste) para... promober alguien... mas alguien que tenie que ser de l mesmo partido !

Todo esto eisige splicaçones por parte de quien puls bistos tomou essas decisones i ye l nuosso dreito cunhecer toda la berdade.

Ye assi que poderemos tamien abaluar l que bálen realmente las pessonas.

Felcidades, Adelaide.

Tiégui disse...

Serie mellor mercar un llibru desses y puné-se an frente la cambra de Bregancia y queima-lu. Hahaha qu'eideyas tan buonas tengu you !

Adelaide Monteiro disse...
Este comentário foi removido pelo autor.
Ana disse...
Este comentário foi removido pelo autor.
Ana disse...

Buonas tardes, Thiegui,

Mercar esse lhibro que custa 35 euros (cun esse denheiro yá un puode ir até Pertual de abion !) para depuis l queimar delantre de la cambra... nun era l que you fazie. L melhor, parece-me a mi, ye nun l mercar i eilhes que se zanrásquen cumo podíren !

Assi i todo, you yá ua beç partecipei nua manisfestaçon para protestar contra un lhibro que mos habie sido oufrecido (mas tamien pago cul denheiro público) i que era de l’outorie dun menistro de l’eiducaçon, Luc Ferry eisatamente, hai uns 4 ou 5 anhos. La manifestaçon decorriu an Rodez (esto para dezir tamien que nien todo se passa na capital), delantre de la cambra adonde decorrie ua reunion na qual partecipaba esse menistro precisamente, i juntou muita giente, subretodo de l Sudoeste de la França, mas mui determinada de tal maneira que l acuntecimiento dou na altura bastante que falar até a nible nacional.
L que sei ye que passado pouco tiempo esse menistro fui demitido.
Hoije scribe lhibros i dicionairos de filosofie, cuntina a passar na tebison para promober l que scribe, mas zanrasca-se solo, el i las eiditoras que edítan ls sous lhibros.
Mas l lhibro que dou ourige a la nuossa manifestaçon i cun l qual nun stábamos de acordo ne l que dezie respeito a las eideias que alhá stában spuostas nun fui queimado. Nun cheguemos a esse punto mas cunseguimos mostrar claramiente assi i todo que l lhibro esse, esse menistro podie guardá-lo i quedar até cun el, que a nós nun mos antressaba nien un segundo !

Agora ua eideia : yá que stamos an tiempos de crise, que l pague l salimiento de l sou lhibro, esse Adriano Moreira ! Nun ye assi que fázen tamien muitos (quaije todos talbeç) sien star a la spera que la cousa seia de graça ?

Nestes dies, quando stube an Pertual, soube nun artigo que li que ua ex-derigente dun partido que ye l PSD cumo Manuela Ferreira Leite recibe 6000 euros de reforma mensales só de l Banco de Pertual. Un puode anton eimaginar que un ex-derigente desse outro partido que ye l CDS cumo ye l caso de Adriano Moreira puode purfeitamente receber la mesma quantidade de denheiro. Nun bonda anton ganhar tanto denheiro ? Inda ye preciso que pessonas cumo nós que nunca teneran reformas cumo las deilhes seiamos oubrigados tamien agora a financiar lhibros para promober essa giente !

Quien ye que diç nesta quadrilha que ten an casa ua gorra de Che Guevarra ?!!

Ana disse...

Mira, Tiegui,

Até puodes ber eimages de la manifestaçon de Rodez na qual partecipei: aqui, na Anternete, se pedires esta refréncia:

http://www.dailymotion.com/video/xfd6nl_manifestation-des-enseignants_news

Finalmente fui an 2003.