Las cousas son l que son i quando las bibenciamos ye que mos damos cunta que hai cousas que nun stan bien. Tamien acho que los responsabeles saben que nun stan bien. Mas l que fazen? La berdade ye que quando se stá de fuora ye facil dar centenças i hai muitos a da-las mas que pouco fazen. Porquei ls hospitales nun funcionan bien? Dolientes a mais ou doutores a menos? Por mala sorte, quando un ten que ir a un SAP (Serviço de Atendimento Permanente) dues horas para ser ouserbado, l doutor nun ye pertues -até puode ser melhor doutor que l pertues - ye solo para registro - manda-lo para l hospital, bai a la triage, fita amarielha, mais tres horas para ser bisto por outro doutor - nun ye pertues- la zona de ourgenças ye solo macas, dolientes por todo l lhado, uns soltan bózios de dolores, outros solo queren ourinar i nun puodan salir de las macas, outros contorcen-se de dolores, outros ataman las dolores cun ua agulha na bena i l frasco spindurado a ber salir gotas i assi se passa ua nuite. Todo ye por un triç... por un pelo... tanta cousa que poderie ser mudada... Manda quien puode. Quien puode ye tratado assi?
05/11/10
Por un triç...
Las cousas son l que son i quando las bibenciamos ye que mos damos cunta que hai cousas que nun stan bien. Tamien acho que los responsabeles saben que nun stan bien. Mas l que fazen? La berdade ye que quando se stá de fuora ye facil dar centenças i hai muitos a da-las mas que pouco fazen. Porquei ls hospitales nun funcionan bien? Dolientes a mais ou doutores a menos? Por mala sorte, quando un ten que ir a un SAP (Serviço de Atendimento Permanente) dues horas para ser ouserbado, l doutor nun ye pertues -até puode ser melhor doutor que l pertues - ye solo para registro - manda-lo para l hospital, bai a la triage, fita amarielha, mais tres horas para ser bisto por outro doutor - nun ye pertues- la zona de ourgenças ye solo macas, dolientes por todo l lhado, uns soltan bózios de dolores, outros solo queren ourinar i nun puodan salir de las macas, outros contorcen-se de dolores, outros ataman las dolores cun ua agulha na bena i l frasco spindurado a ber salir gotas i assi se passa ua nuite. Todo ye por un triç... por un pelo... tanta cousa que poderie ser mudada... Manda quien puode. Quien puode ye tratado assi?
Subscrever:
Enviar feedback (Atom)
1 comentário:
Ah caro Antonho, que retrato mos dás dua besita dessas!
Stás cheno de rezon, mas nun te quiero ber, nien a ti nien a naide resigrado, aceitando las cousas mesmo sabendo que ne l momiento nada se puode fazer. Perder la spráncia de que nun hai nada a fazer ye l pior, fazer todo l que se puoda nien que sei solo denunciar, que ye l que stás a fazer, i bien.
Denuncia siempre.
Zmascarar, poner a claro las atrocidades i ls modos cumo un ser houmano ye tratado ye un deber nuosso de to l mundo.
You digo-te, i cuido que tu l sabes, a mi estes que tubírun ne ls redadeiros anhos l poder de balorizar l trabalho de ls pertueses nunca m'anganhórun.
Assi la riqueza de l trabalho tubisse sido bien ampregue i teniemos melhores cundiçones.
L Stado somos todos nós, dízen eilhes porque stan scarranchados, mas peçque quando toca a pagar-las son solo alguns, i nesto de salude solo ls probes
Caro Antonho las mies çculpas por este zabafo, mas cumo yá nun mos ancuntramos hai muito, este comentairo saliu taludo.
Un abraço
Enviar um comentário