30/11/10

.
CUN LAS DUES MANOS
.

Foto: AP Adriano Moreira, Jorge Nunes e Amadeu Ferreira
.
Quando las pessonas sáben l que ye cultura i l que ye politica, quando las pessonas béien ls antresses de todos arriba de ls deilhes, sáben dar las manos, sáben l que ye perdonar, sáben que l’home ye un ser an zambuolbimento i stá siempre a eiboluir, ajúntan-se para fazer cousas. Fui assi que naciu la Academie de Letras de Trás-ls-Montes.

14 comentários:

Ana disse...

I acha Jesé Almendra que para criar essa Academie (mais ua) era eissencial que houbisse tamien esses dous homes tan conotados politicamente que decidistes de la buossa própria eineciatiba colocar an purmeiro plano ne l retrato que mos amostrais ? Nun stá tamien conotado esse buosso retrato ? Podie star menos mas nun ye l caso.

Cumo tamien bos destes de cunta, houbo un artigo que saliu recentemiente ne jornal Nordeste adonde se pedien splicaçones a esses dous que aparécen ende an purmeiro plano (Amadeu aparece an último plano) a perpósito dun lhibro subre un deilhes dous (aquel que stá percisamente an purmeiro plano cumo tamien yá sabe mui bien) mas pago l lhibro esse cumo esse artigo bien dizie pula cambra (i por cunseguinte cun l denheiro público que ye de nós todos), essa cambra que ten cumo persidente esse outro que stá lhougo a seguir i ne l centro desse buosso retrato.

Yá sabe qual la repuosta que dórun, Primo, esses dous que stan an purmeiro plano para justificar essa soma de denheiro eisuberante que fui gasta ? Mas cumo, pregunto-le you, cumo ye que quier que essa repuosta mos cumbença subretodo ne ls dies que cunhecemos hoije : dies de crise an que inda naide sabe l que esto inda bai a dar.

Almendra disse...

Mais ua beç nun antendo l que quieres dezir. Nun fui you que tirei l retrato, tamien nada tengo cula criaçon dessa Academie. Tamien nun fui eideia de nanhun desses dous de que tu falas. L purmeiro representa la tue cultura, la cultura de ls anteletuales que bíben a las custas de l pobo. L segundo ye presidente democraticamente eileito, será que sós acontra la democracie oucidental?
Quanto a Amadeu faç parte de la direçon de la Academie, ls outros nó.
Se stan nun purmeiro plano ne l retrato, ye por fui tirado dun lado, porque se fura de l'outro staríen an último plano.

AF disse...

Deiqui a meia hora (son las 14 horas de die 30 de Nobembre) salo pa l Peru i solo al bolber (die 2/12) poderei dar la mie oupenion quanto a algues cousas que eiqui ténen sido dezidas. Fago-lo solo porque eiqui aparece l miu retrato i l nome de la Academie de Letras de fui Persidente de la Comisson Anstaladora.

Mas puodo yá adelantrar l eissencial i solo a títalo anformatibo:
- Jorge Nunes, persidente de la Cámara de Bergáncia, ye miu amigo zde 1971 i nel tengo, cumo an todos ls mius amigos, ua grande proua; i ls mius amigos, para mi, stan arriba de todo, mesmo todo (quanto a la Cámara de Bergáncia i ls sous atos, esso yá nada ten a ber cumigo i nada tengo a dezir subre esso, mas ls eileitores de Bergáncia l ténen dezido eilegendo Jorge Nunes yá pula terceira beç).

- quando a Adriano MOreira, stube cun el algues bezes i nada tengo a ber cun l que el pensa, antes dezirei que stou ne ls antípodas an bárias cousas, mas ye un home a quien respeito por muitas i buonas rezones.

- Quanto a la Academie, criada an júlio, biu eileita la sue direçon de que tengo proua de fazer parte, ne l die 5 de Outubre atrasado; ADriano Moreira fui eileito Persidente Hounorário por perpuosta mie, perpuosta que fui aprovada solo cun ua abstençon de la Assemblé giral adonde staba giente de todas las corrientes ideológicas;

- Anformo (para quien seriamente steia antressado i nun se muoba solo por aparecéncias) que l lhibro subre Adriano Moreira fui apersentado a 5 de Outubre por José Barata Moura, coincido membro de l Partido Comunista Pertués i ex-reitor de la Ounibersidade de Lisboa, que ende le teciu rasgadíssimos eilogios a Adriano Moreira (l que nun quier dezir que cuncorde cun todas las sues eideias).

I chega de anformaçon, que tengo de me ir.
Abraços a todo mundo
Amadeu

Tiégui disse...

Ana, tenemus qu'antender ua cousa. Lus purtuéses son cume lus ruçus. Fazienun revoluçon, mas deixonun la cultura zanvuolvida anté'lla, siên la çtruir.

Vos ou mellor, nos (lus dous) acumparamus cu'la França adonde la revoluçon çtruiu todu, buonu y mal, para fazer ua cousa nuova.

Mas an Purtual nun fui assi, bien vedes qu'aquestas pessonas stan hoije bien vivas, y llibres. An França de certeza que ya nun tenerien cabeça zde muitu.

Que quereis fazer Ana, ye assi. Y finalmiente ya nun me val la péna queima'l llibru que dixe, purque de to'las maneiras ye cume me dezinun nal cunsuladu de Purtual an Burdeus :
"Você é de Miranda do Douro... Pois ali são mais espanhois que portugueses".
Dende aquissu todu ye purblema de purtueses, assi que nien yê'l miu, niên yê'l vuôssu.

Ye mellor callar-mus Ana !

Tiégui disse...

You aca pra mie aquestas trés pessonas achorun-se pur adregu... hai que pensar assi.

Nada mas...

Hai bien mas ampurtante pra fazer de qu'andar ende a palrar cume fazemus de cousas passadas.
Aca pra mie Bregancia ye biên loinge de Cicuiru y inda mas de Sandin (a cumparar çamora ye al pie).

A ver mas ye se tratamus ya agora de la nuossa toponimie...

http://www.youtube.com/watch?v=QAqoeiNxh2g

Ana disse...
Este comentário foi removido pelo autor.
Ana disse...
Este comentário foi removido pelo autor.
Ana disse...

L die an que soubirdes bien l que dezis, Almendra, l mundo haberá dado un passo bien dado palantre:

Nó! L purmeiro nun representa la MIE cultura !

I nada mais !

Almendra disse...
Este comentário foi removido pelo autor.
Almendra disse...

Ana,
Queda sabendo que sei bien l que digo i se fur neçairo serei mais oujetibo. Pena que haba quien nun tenga capacidade para l antender, nun l querga antender ou querga baralhar ls outros. L mundo naide l muda, bai-se mudando i tu i you passamos. Naide ye tan amportante para pensar que assusta ls outros ou que sabe mais que ls outros. La torre de Babel caíu, Hitler caíu, Salazar caíu, las torres gemeas caírun, la státua de Sadan derribórun-la. Tamien tu i ls tous idolos caíran i mais cedo que pensas. Tamien you passarei i l mundo seguirá cumo se nun tubissemos eisistido. Quando te darás cunta que sós ua probe mortal?
Ls poderosos serán houmilhados i ls houmildes serán eisaltados.
Ye amando ls outros que seremos felizes i you sou feliç porque sei l que ye amar la bida, amar tol mundo...I tu?

leonardo antao disse...

Buonas nuites amigo Almendra!

Gustei mui de l buosso antressante testo, assi cumo de ls comentairos qu'acabei de ler.

Tengo la certeza que la Academie de Letras de Trás-ls-Montes serbirá d'eilemiento aglutinador de la quemunidade de scritores strasmuntanos, de squierda, de dreita i de l centro, mui amportante pa l zambolbimiento de la cultura i de l patrimonho lhiterairo de la nuossa region.

Ye ua honra para nós mirandeses tener na Comisson Anstaladora desta Academie de las Letras l eilustre scritor de lhéngua mirandesa, Amadeu Ferreira, que mais ten feito para prestigiar i tornar mais felizes todos ls mirandeses, i por esso mos dá muita proua an sermos mirandeses.

Parabienes als oubreiros de la Academie de Letras de Trás-ls-Montes i la bós Almendra que screbistes este tan pequeinho i tan guapo testo.

Un arrochado abraço,
Leonardo

Almendra disse...

Buonos dies Leonardo,
Son estes eisemplos que mos dében fazer pensar.
Cumo podemos star refenes de princípios de l séclo XIX, quando stamos ne l séclo XXI?
Ne l die que las pessonas antendéren que esso de buonos i malos, de squierda i dreita son tontaries, quando amar antes de oudiar fur l que cada un debe porcurar, anton si, que l mudo será melhor.
"Oh! Ban cobiça...Oh! Sede de mandar!

Tiégui disse...

Si, si tiu Almendra, pudemus amar to'l mundu. Tamiên pudemus perdonar a un pobu ou uns suldadus pur teneren seguidu tal ou tal outru caminu.

Mas als deregiêntes qu'ancaminorun todas estas giêntes nun se'l puôde perdonar nada !

Y inda menus santifica-lus de maneira anteletual cume ende se fai.

Almendra disse...

Tiégui,
Ye essa la mie luta, ls que outelizando l que ye de todos, se ban santeficando uns als outros i fazendo todas las patifaries al pobo i a quien trabalha hounestamente, nun se le debe dar çcanso. Yá chega de ser grandes paturreando ls outros, mirando de riba cumo diuses. Tamien cuncordo que a esses hai que pedir cuntas.