Sbolácios rastreiros i serenos que an ti percuras l camino que un Outonho Amarelhécen bidas an suonhos rializados, soltan-se palabras como mar a scumar de raiba. Mira Adelaide, l mar quando scuma ye mui brabo...bidas de marineiro...i Nó, naide te amordace, solta las palabras boziando, na tue rue camina firme l pie, sbolácia cun necras de suonhos de l bércio adonde naciste i l mundo que te fizo ranace todos ls dies un Beilarinas a antrar ne l baile, solta las palabras ancerradas un ti i lhuita, torna a lhuitar i solta-te de tou cais, biaija... i faç poesie.
Son calientes ls tous bersos, tan calientes cumo las colores de l bermeilho de l Outonho!
L mar rebultoso nun serena l'alma!
Un beisico,
Antonho
L mar rebultoso nun serena l'alma!
Un beisico,
Antonho
3 comentários:
mMas que cousa mais guapa, Antonho!
Sbolácio siempre, anque agora ls sbolácios séian por outrass artes, mais que na poesie. Assi i todo inda bou screbindo mas la cabeça anda debedida...
Bien haias amigo.
Un beisico,
Delaide
Sbolaichar ye buono i se fur ante monas inda melhor:)
Este librico stá cheno de praino!
Bien haia "Delaide" i stou cun ganas de coincer mais pinturas de las sues manos.La que stá na contra-cápia ye fuorte i al mismo tiempo tan serena i andeble!Gustei muito!
Beijicos de l alto Douro.
Oulá Cunceição!
Tamien you tengo ganas de chegar a las cereijas.
Na Páscoa yá berás algo ó inda antes, na Speciosa se me besitares, l que me darie gusto.
Beisicos,
Delaide
Enviar um comentário