I para quien gusta ou quier saber mais sobre essa personaige que fui Jean-Baptiste Poquelin «Molière» … (1622-1673), outor de mais de trinta pieças de triato (Todas tan afamadas uas cumo las outras), acunseilho tamien l filme de Laurent Tirard que saliu an Janeiro passado [cartaç arriba].
Até podeis ber na Net un bídeo que apersenta l filme cun refréncias i citaçones tamien sacadas de «Tartuffe» :
http://www.moliere-lefilm.com/ (Pedi depuis la «Bande d’annonce» ).
La apresentaçon desse filme ampeça cun ua frase (antre las mais afamadas de l triato clássico francés) dezida por Monsieur Jourdain, ua de las personaiges prencipales de la pieça que ten por títalo «Le Bourgeois gentilhomme» (L Burgués fidalgo). Ye assi la frase que parece ser mais poesie que prosa :
«Belle Marquise, vos yeux me font mourir d’amour !»
La traduçon an mirandés poderie ser assi, cuido :
«Guapa Marquesa, ls sous [ou ls buossos] uolhos fázen-me morrer de amor !»
I la pieça , cumo l filme, só stában a ampeçar… !
Até podeis ber na Net un bídeo que apersenta l filme cun refréncias i citaçones tamien sacadas de «Tartuffe» :
http://www.moliere-lefilm.com/ (Pedi depuis la «Bande d’annonce» ).
La apresentaçon desse filme ampeça cun ua frase (antre las mais afamadas de l triato clássico francés) dezida por Monsieur Jourdain, ua de las personaiges prencipales de la pieça que ten por títalo «Le Bourgeois gentilhomme» (L Burgués fidalgo). Ye assi la frase que parece ser mais poesie que prosa :
«Belle Marquise, vos yeux me font mourir d’amour !»
La traduçon an mirandés poderie ser assi, cuido :
«Guapa Marquesa, ls sous [ou ls buossos] uolhos fázen-me morrer de amor !»
I la pieça , cumo l filme, só stában a ampeçar… !
3 comentários:
Oulá Ana, Yá bárias bezes atentei de ber essa apersentaçon de l cinema esse i inda nun fui capaç. Porqui cuido que inda nun se fala del, mas bamos a ber se aparece por acá i nun deixarei de ber, que you gusto muito de Molière.
Oubrigado pula refréncia.Assi i todo inda bou a atentar mais bezes.
Oulá Amadeu!
Se antendo bien, nun cunseguiu ber la apresentaçon de l filme cun la refrécia que andiquei neste Blog … ?!
Antretanto essa refréncia (que nun ye mais nada senó le site ouficial de l filme ) ye dada até por eisemplo por Google.com in English…
Qu’ende an Portugal nun se tenga oubido muito (ou nada…) falar sobre esse filme a mi nun me admira muito. Mas eiqui, muitas pessonas gustórun de l ber i you quedo contenta por saber que neste paíç se fázen filmes assi i que ls podemos ber facilmente. Mas mais cuntenta quedarei quando furmos capazes de descobrir daonde ben l purblema que bos ampide de ber bós tamien la apresentaçon essa. You cunsigo. I bós nó, porquei ?
Se por acauso nun se arranja maneira de saber, bou a ber se cunsigo grabar essa apresentaçon (neste causo ye un bídeo) i poné-la depuis neste site on-line.
A ber se cunseguimos anton!
Buonas nuites.
Yá bi, Ana, la apersentaçon de l cinema. Ou nun cunseguie por burrice mie, ou anton nun sei. Agora yá stá. Dá para antender que l cinema debe de ser antressante, cumo l quelóquio que le sirbe de assento.
Bamos, anton, a ber se algun çtribuidor l trai porqui.
Oubrigado pula tue çponiblidade para resolberes l porblema.
Buonas nuites.
Enviar um comentário