*
Este sábado stube ne l balhe de la Belariça. Las nubres habien abaixado a rendar ls cabeços, ambejosas de la ceçon daquel berde sien fin. Mais branca que la nubrina, ls patatales agúçaban sue frolica, nua proua calhada. De la capielha de Nuossa Senhora de ls Anúncios bien-se las raízes de l balhe, eilhi als pies de la Sierra Bornes i, al loinge, las alas de l sou termo. Antre uas i outras sentie-se l rugir de ls arrebentos, nua fuorça d'ampeço de l mundo. Yá ls morcones, solo dában a ber sou beludo abinado a quien stubira bien acerca. Las ubas, yá zambencilhadas de la frol, traien suonhos de bendímia, a ua selombra tan berde que até l sol s'agarra a las baras de las cepas cumo un zalmado. Nunca habie bisto selombra berde. Hai la ne l balhe de Belariça, até quando chuobe i nun faç sol, cumo neste sábado atrasado. El un home bei cada cousa... que la culpa nun puode ser de ls uolhos.
Este sábado stube ne l balhe de la Belariça. Las nubres habien abaixado a rendar ls cabeços, ambejosas de la ceçon daquel berde sien fin. Mais branca que la nubrina, ls patatales agúçaban sue frolica, nua proua calhada. De la capielha de Nuossa Senhora de ls Anúncios bien-se las raízes de l balhe, eilhi als pies de la Sierra Bornes i, al loinge, las alas de l sou termo. Antre uas i outras sentie-se l rugir de ls arrebentos, nua fuorça d'ampeço de l mundo. Yá ls morcones, solo dában a ber sou beludo abinado a quien stubira bien acerca. Las ubas, yá zambencilhadas de la frol, traien suonhos de bendímia, a ua selombra tan berde que até l sol s'agarra a las baras de las cepas cumo un zalmado. Nunca habie bisto selombra berde. Hai la ne l balhe de Belariça, até quando chuobe i nun faç sol, cumo neste sábado atrasado. El un home bei cada cousa... que la culpa nun puode ser de ls uolhos.
1 comentário:
I para buoltar a Molière…
You nien m’atrebo (Mesmo que me pagássen !) a repetir aqui outra frase afamada, precisamente de Tartufo, i an poesie desta beç ; ua de las mais afamadas tamien dessa pieça de triato …
Todos ls que aqui léen son capazes de acuntrar por eilhes própios…
Mas un que se atrebiu a fazé-lo afirmando assi la sue capacidade an querer ser un home libre (yá ne l seclo XVII) fui precisamente Molière. Fui por esso i tamien porque ponie an causa todos ls hipócritas que podie haber na tierra que la pieça, cunsiderada até por alguns cumo rebolucionaira, fui lhougo censurada (Nun admira nada !) i até proibida durante cinco anhos.
Será que las cousas mudórun assi tanto zde anton ? Assi tanto, nun haberan mudado ! Só un cachico …
I sue eiceléncia, Amadeu, parece que ye cumo Molière : tamien le dá na gana falar cumo un home libre… !
Enviar um comentário