20/09/09

L miu retrato




You sou bulgar, you sou rudo
Sou eigual a un penhedo
Casa de puortas abiertas
Nun sei guardar un segredo.

Fujo de las cunfusones
Apego-me a cousas banas
Falo anté cun ls mius betones,
Rezo al toque de las campanas.

Digo cousas sin pensar
Lhougo a seguir m'arrependo
Ye tarde pra atrás tornar
I sin querer sei que oufendo.

Fago amigos onde bou
Un, dous i anté mais que trés
Sei que muitas bezes sou
You mais deilhes, que a l robés.

1 comentário:

Adelaide Monteiro disse...

Mui bien Felç.
Cuntinua a mostrar-mos ls tous bersos.
Beisicos,
Adelaide