27/02/11

STOU CANSADO


Puodo dezir que stou cansado,
i digo, que nun ye sien motibo,
porque isto de nun fazer nada,
tamien ye muito cansatibo.

Se me deito quedo cansado
Só d´aturar mius pensares,
Mas se pensares nun tengo
Canso-me de tantos azares.

Quando tengo algun pensares
Lhougo me canso cun eilhes
Mas quando nun ls tengo
Canso-me só de pensar neilhes.

Stou cansado de cousas
Que porende you bie
I stou cansado de dezier
Porque ten que ser assi.

Yá bai loinge l tiempo
Que nada m´atormentaba
Faziesse aquilho que faziesse
La bida nunca me cansaba

Bida para quei ruodeste
que bien queilhi se staba
i nesta bida d´agora
canso-me sien fazer nada.

José António Esteves

1 comentário:

faustino.antao disse...

Caro José Antonho

Cumo siempre, eicelemte.

-Mas e'este ye l buosso stado d'alma, digo-bos que bós yá fazeis muito, screbido assi fazeis pula lhéngua i dais-mos l gusto de ber tan guapos poemas.

Un abraço fuorte
Faustino